Snapdragon 8 Gen 3 ilə təchiz edilmiş Oppo Find X7 Ultra əvvəlki modeldəki üçlü kamera sistemindən irəliyə doğru ciddi sıçrayışı özündə birləşdirir. Oppo görə, Find Əsas görüntüləyici Sony-nin ikinci nəsil 1 düymlük sensoru LYT-900-ə malikdir ki, bu da uzun müddətli çəkilişlərlərdə enerji sərfiyyatı və istilik performansı baxımından daha səmərəlidir. Obyektivlərində işığın əks olunmasının 50% azaldığı kameralar isə dünyada ən peşəkar kamera konfiqurasiyasını bu seriyaya gətirir. Ultra geniş kamerasında belə Sony LYT-600 sensoru olan cihaz onu öz sinfində ən güclü cihazlardan birinə çevirir. Gəlin kameralardan danışmışkən, bu mövzuda daha detallı danışmağa başlayaq.
Kamera konfiqurasiyası
50MP f/1.8 LYT900 1” 23mm OIS
50MP f/2 LYT600 1/1.95” Ultra-geniş 14mm (Makro)
50MP f/2.6 IMX890 1/1.56” periskop 3X 65mm OIS
50MP f/4.3 IMX858 1/2.51” Periskop 6X 135mm OIS
32MP IMX709 Selfie
Sektorda ilk dəfə 2 ədəd periskop telefoto kamerasına sahib smartfon rəqiblərindən fərqlənməyi bacarır. Birincisi, 3x optik yaxınlaşdırma edə bilən 1/1,56 düymlük Sony IMX890 sensoruna malikdir. “OIS” ilə gücləndirilən obyektiv 65 mm fokus uzunluğu ilə 25 sm-ə qədər fokuslama məsafəsi imkanı verən f/2.6 diafraqma ilə gücləndirilib. Xüsusilə portretlər və kiçik obyektlərin çəkilişləri üçün faydalıdır.
Oppo Find X7 Ultra modelində əlavə olaraq 1/2,51 düymlük Sony IMX858 sensoru ilə təchiz edilmiş və f/4,3 diafraqma, 135 mm fokus uzunluğu, 35 sm fokuslama məsafəsi olan və 6x optik böyütmə obyektivi var. Oppo deyir ki, 12x-ə qədər süni intellektlə dəstəklənən böyütmə vəziyyətində Find X7 Ultra 14 mm-dən 270 mm-ə qədər çox yönlü ekvivalent fokus uzunluğu diapazonunu idarə edir.
İki ədəd periskopik kameranın işlədilməsi isə birbaşa olaraq arxa tərəfin bulanıqlaşdırılmasına ciddi təsir göstərir. Obyektivlər dərinlik məlumatlarını sinfində kamera sensorları hesabına ən dəqiq hesablaya bilən həllə çevrilirlər. Təbii ki, iPhone modellərində işlədilən LIDAR neçə fərqli kamera işlədilməsinə baxmayaraq hələ də ən yaxşı seçim ola bilər. Lakin görüntü keyfiyyətinin artırılması, obyektivlər arasında keçidin təkmilləşdirilməsi, gecə çəkilişlərinin yaxşılaşdırılması üçün ikili periskopik obyektivin qazandırdığı üstünlüklər çox saydadır.
Find X7 Ultra həmçinin burada mobil fotoqrafiya ilə bağlı bəzi böyük irəliləyişlər əldə etdiyini iddia edir. Ən əsası, hesablama fotoqrafiya nəticələrini yaxşılaşdıran və həddindən artıq rəng partlaması və həddindən artıq kəskinləşmənin qarşısını alan HDR üçün “HyperTone Image Engine” təqdim edilir. Bu mühərrik, iki ildir ki, peşəkar fotoqrafların və redaktorların rəyi ilə inkişaf etdirilir. Təqdimatda deyildiyi kimi, hər şey “obyektiv keyfiyyətlə subyektiv emosionallığın birləşməsindən” gedir. Daha da yaxşısı, HyperTone Image Engine uyğunluqdan asılı olaraq Find N və Reno seriyaları kimi bəzi mövcud Oppo cihazlarına gələcək.
Təkmilləşdirmənin digər sahələrinə böyütmə zamanı keyfiyyətin itirilməməsi və yeni “Hasselblad Portret” rejimi sayəsində daha real portret çəkilişləri daxildir. Oppo saxta görünən bokeh və zəif kənar aşkarlanması əvəzinə, “kinematik bokeh” adlanan heyrətamiz dəqiqliklə dərinlik öyrənməsi təqdim edəcəyini vəd edir.
Oppo həmçinin Hasselblad X2D 100C orta formatlı güzgüsüz kameranın xüsusiyyətlərinə əsaslanan yeni “Hasselblad Master Mode” təqdim edir. İstədiyiniz üslubu yaratmaq üçün doyma, kontrast, kəskinlik və vinyet nəzarəti, eləcə də əl ilə ISO, çəkmə sürəti və ağ balansı kimi digər çəkiliş xüsusiyyətləri ilə oynaya bilərsiniz. Bu rejim eyni zamanda hər 50MP foto üçün BT2020 rəng məkanında 16 bit rəng dərinliyi ilə yanaşı dinamik diapazonlar arasında 13 fərqli seçimini dəstəkləyən “RAW MAX” imkanını təklif edir.
Find X7 Ultra 5000 mAs batareyaya, daha güclü kameraya və simsiz doldurma dəstəyinə baxmayaraq Find X6 Pro ilə oxşar çəki və qalınlığı bölüşür. Daha incə simsiz şarj bobini, daha incə vegan dərisi və təkmilləşdirilmiş metal lövhəsi mühəndisliyi sadələşdirir. Oppo, həmçinin üç “OIS” elementi arasında müdaxilənin qarşısını almaq üçün “tək tərəfli maqnitlərdən” istifadə edərək bütün arxa kamera modulunu sıx şəkildə kompakt saxlamağı bacarıb. 50 vatt istifadə edərək 60 dəqiqə ərzində naqilsiz, 100 vat SuperVOOC simli şarj ilə 26 dəqiqədə batareyasını doldura bilir.
Bu yeni telefon həmçinin Oppo-nun indiyədək ən parlaq QHD “3,168 x 1,440” panelinə malikdir, açıq havada 1600 nit parlaqlıq və HDR məqsədləri üçün 4500 nit yerli pik parlaqlıq ilə 6,82 düymlük AMOLED panel adi 120Hz yeniləmə sürətini və ultra aşağı toxunma gecikməsini dəstəkləyir. Həmçinin yaş əllər üçün “yağış toxunuşu” dəstəyinə malikdir. IP68 toza və suya davamlılıq reytinqinə malikdir. OnePlus-dan gələn üç mərhələli sürüşdürməli bildiriş düyməsinin qalmasına baxmayaraq, həddindən artıq məxfilik rejimi üçün kamera, məkan və mikrofona girişi kəsmək üçün xüsusiləşdirilə bilər.
Təəccüblüdür ki, Oppo-nun hazırda Find X7 Ultra-nı Çindən kənarda satışa çıxarmaq planları yoxdur. Məlumat üçün bildirək ki, bu model 12 GB RAM və 256 GB yaddaşa malik variantında təxminən 845 dollar, 16 GB RAM və 512 GB yaddaşla təxminən 990 dollara təklif olunur. Peyk dəstəyi ilə xüsusi buraxılış da martın sonunda gələcək, lakin qiyməti bildirilməyib. Sadəcə varlığı barədə məlumat verilib.
Oppo Find X7
Büdcəsi az olan, lakin yenə də eyni qəşəng görünüş istəyənlər üçün MediaTek Dimensity 9300 prosessoru ilə təchiz edilmiş Find X7 sadə modeli də var. Arxa tərəfdə yalnız üçlü kamera işlədilib. Onlara 50 MP əsas, 64 MP 3x periskop böyütmə kamerası və 50 meqapiksellik ultra geniş kamera aiddir. O, həmçinin 2,780 x 1,264 daha aşağı təsvir ölçüsü ilə bir qədər kiçik 6,78 düymlük OLED ekrana malikdir. Sürüşdürməli bildiriş düyməsi də cihaza əlavə olunmayıb. Naqilsiz şarj isə dəstəklənmir. Qiyməti isə 570 dollar səviyyələrindədir.
