İnsanabənzər robotlar üzərində çalışan yapon alimləri mühüm inkişafa imza ataraq, əsl dəriyə malik robot barmaq istehsal ediblər.
Gündən-günə ətrafımızda daha çox robot görürük. Hazırda müəyyən sahələrdə robotlar insanların yerini tutub. Getdikcə daha bacarıqlı olan robotlar insanlara bənzəməyə başladı. İnsanabənzər robotlar üzərində çalışan yapon alimləri mühüm inkişafa nail olublar.
İnsanabənzər bir robot yaratmaq üçün bir çox fərqli detallar bir araya gətirilməlidir. Bunların başında zəka gəlir. Əlavə olaraq insanabənzər robot yaratmaq üçün şüur, təxəyyül və reflekslər və.s tələblər sırasındadır. Sonra isə fiziki xüsusiyyətlər gəlir. İnsanabənzər robotun hərəkət edə bilməsi və insan kimi görünməsi çox vacibdir. Bu mərhələdə göz hərəkətləri , üz ifadələri , yeriş tərzi və dəri ən vacib məsələlərdəndir. Tərləyə bilən elastik bir quruluşa sahib olan dərimizin təkrarlanması çox çətindir.
Ancaq ötən gün dərc olunan məqalədə yapon alimləri bu mövzuda mühüm bir addım atdıqlarını açıqlayıblar. Alimlər real canlı insan hüceyrələrindən hazırlanmış dəri prototipini nümayiş etdiriblər. Əsl dəri ilə örtülmüş robot barmaq insanabənzər robototexnikaya doğru atılmış mühüm bir addım olaraq görülür .
Tədqiqatçılar həmçinin bildirirlər ki, barmağı örtən dəri həqiqi dəri hüceyrələrindən ibarət olduğundan o, həm də özünü sağaldır və su keçirmir. Robot barmağına inteqrasiya olunmuş bu dəri təbəqəsi normal insan dərisi kimi öz kəsiklərini və sıyrıqlarını düzəldə bilir.
Alimlər bildirirlər ki, dəri toxuması robotun səthinə kifayət qədər yaxşı uyğunlaşır. Bu işin canlı dəri ilə örtülmüş robotların yaradılmasında ilk addım olduğunu qeyd edən Tokio Universitetinin professoru Şoji Takeuçi işlərinə davam edəcəklərini bildirib.
Yeni hazırlanmış robot dərisi hələ də təbii dəri qədər güclü deyil və canlı qalmaq üçün kənardan kömək lazımdır. Tədqiqat qrupu təbəqəni daha yaxşı reallaşdırmaq üçün tük elementləri, dırnaqları və rəsmi tər vəzilərini də əlavə etməyi planlaşdırır.
Hal-hazırda yaradılan bu silikon dəri insan görünüşünü tam olaraq təqlid edə bilmir. Ancaq inkişaf edən texnologiya və yeni araşdırmalarla bu oxşarlıqların gündən-günə artması gözlənilir. Son vaxtlar robotexnika sahəsindəki inkişafa görə deyə bilərik ki insanabənzər robotlar çox da uzaq görünmür.
Siz bu mövzu haqqında nə fikirləşirsiniz? Sizcə bu gedişlə nə vaxtsa robotlar bizlərin yerini ala bilər? Fikirləriniz şərhdə bizimlə bölüşməyi unutmayın.
