Beləliklə The New York Times məqalələrinin icazəsiz istifadə olunması səbəbi ilə OpenAI və onun ən böyük investoru Microsoftu məhkəməyə verir. Qeyd edək ki, məşhur xəbər resursu iddia edir ki, OpenAI şirkəti və Microsoft hazırda ən məşhur süni intellekt alətləri olan ChatGPT və Microsoft Copilot-un əsasını təşkil edən dil modellərini təkmilləşdirmək üçün onun məqalələrindən istifadə edir. Habelə texnologiya nəhəngləri bunun üçün heçbir icazə almayıb.
The New York Times resursu OpenAI və Microsoft şirkətlərinin məhkəməyə verərək icazəsiz istifadə olunan məqalələrinə görə təzminat tələb edib. Xatırladaq ki, bu yaxınlarda Apple şirkətinin 50 milyon dollar qarşılığında xəbər saytlarındakı məzmunları öz süni intellekt modelində istifadə etmək istədiyi ilə bağlı məlumatlar yayılmışdı. Məhz The New York Times da bu məlumatdan sonra texnologiya nəhənglərini icazəsiz olaraq məzmunlarından istifadə etdiyi üçün məhkəməyə vermək qərarına gəlib.
Ümumiyyətlə süni intellekt dil modellərinin xəbər məzmunları və məqalələri vasitəsi ilə təkmilləşdirilməsi çox məşhurdur. Habelə icazəsiz istifadə olunan məqalələr ilə bağlı məsələnin gündəmə gəlməsi ilk dəfə deyil. Bundan əvvəl də texnologiya nəhəngləri ChatGPT, Bard və LLaMa kimi böyük dil modellərində icazəsiz olaraq məzmunlardan istifadə etdiyi üçün kütləvi olaraq tənqid edilmişdi. İndi isə The New York Times ilk mühüm addımı ataraq öz haqqını tələb edəcək.
