Süni intellekt texnologiyaları artıq il ərzində müxtəlif platformalara inteqrasiya edildi və qarşımıza çıxdı. Lakin indi elektrikli velosiped modelləri də ChatGPT süni intellekt sistemi ilə təchiz edilib və təqdim edilib. Belə ki, OpenAI şirkəti tərəfindən hazırlanmış qapaqcıl süni intellekt sistemi elektrikli velosipedə inteqrasiya edilib. Daha əvvəl müxtəlif elektromobillərdə süni intellekt əsaslı virtual köməkçilər qarşımıza çıxmışdı. İlk dəfə olaraq isə süni intellekt sistemi elektrikli velosipedə quraşdırılıb.
Qeyd edək ki, ChatGPT süni intellekt sistemi ilə təchiz edilən ilk elektrikli velosiped Urtopia şirkətinin imzasını daşıyır. Velosipedə inteqrasiya edilən süni intellektlə səsli ünsiyyətə daxil olmaq da mümkündür. Hətta bunun üçün elektrikli velosiped xüsusi dinamiklərə və mikrofona sahib olub. Sadəcə bir düymə ilə sizi dinləməyə başlayan süni intellekt verilən bütün suallara yüksək səslə cavab verməyə başlayır. Hətta bu prosesi əks etdirən bir video sosial şəbəkədə maraqları öz üzərinə cəlb edib.
Paylaşılan rəsmi videoda ChatGPT ilə birbaşa velosiped mərkəzli qarşılıqlı əlaqə ortaya çıxır. Süni intellekt sistemi istənilən məkanda müxtəlif marşrutlar hazırlaya, bu marşrutları isə səsli şəkildə izah edə bilir. O cümlədən sürüş zamanı kiçik ekran vastəsi ilə velosiped sürücülərinə bələdçilik edə bilir. Qeyd edək ki, velosiped üçün ayrıca olaraq ağıllı üzük də hazırlanıb. Bu üzük vasitəsi alınan sağlamlıq məlumatlarını təhlil edərək isə ChatGPT sürücüyə sağlamlığı haqqında məlumat verə bilər. Gələn ay keçiriləcək CES 2024 sərgisində nümayiş etdiriləcək model, şirkətin indiyə qədər istehsal etdiyi ən ağıllı elektrik velosipedi olaraq görülür.
