Apple bu dəfə cihazlarının istehsal prosesinin bir qismini Amkor adlı şirkət ilə əməkdaşlıq edərək ABŞ-a köçürür. Qeyd edək ki, aparıcı yarımkeçirici şirkəti olan Amkor ABŞ-da 2 milyard dollarlıq sərmayə ilə yeni fabrik quracaq. Məhz bu fabrikin ən böyük müştərisi və dəstəkçisi də Apple olacaq. Beləliklə Apple indi çindən əlavə olaraq ABŞ-da da cihazlarının istehsalına başlaya bilər. Analitiklərə görə yenu vəziyyət Apple cihazlarının istehsal xərclərinin artmasına və bilavasitə qiymətlərinin artmasına səbəb olacaq.
Amkor ABŞ-ın Arizona ştatının Peoria şəhərində qabaqcıl çip qablaşdırma müəssisəsi qurur. Bu müəssisədə isə TSMC tərəfindən istehsal olunmiş çiplər qablaşdırılacaq. Beləliklə ABŞ-da qurulacaq bu yeni fabrik və ya müəssisə tam tikildikdə 46,451 kvadrat metrlik ən müasir istehsalat kampusuna sahib olacaq. Qeyd edək ki, Apple şirkətinin istehsal prosesinin davam edəcəyi Peoria fabrikinin 2025 və ya 2026-cı illərdə istismara verilməsi də gözlənilir. Fabrik tam inşa edildikdə sonra isə TSMC Fab 21-də istehsal olunan çiplərin qablaşdırılması və sınaqdan keçirilməsi məhz burada həyata keçiriləcək. Şirkətin ilk və ən böyük müştərisi olacaq Apple isə fabrikdən böyük həcmdə yararlanacaq.
Həm ABŞ, həm də Apple yarımkeçiricilər və məhsulların istehsalını ABŞ-a köçürmək istəyir. TSMC və Amkor tərəfindən yaradılmış müəssisələr və digər investisiyalar bunun üçün əsas olacaq. Təbii ki, Apple birdən-birdə iPhone və ya digər məhsulların istehsalını Çindən dərhal ABŞ-a köçürə bilməz. Lakin bu proses tədricən davam edəcək. Nəticədə isə Apple Çindən olan asılılığına son qoyacaq. Onu da qeyd edək ki, bu yeni vəziyyət Apple cihazlarının qiymətinin artmasına səbəb ola bilər. Çünki, çində olan ucuz işçi qüvvəsi ABŞ-da mövcud deyil.
