Bu gün internet həyatımızın ayrılmaz bir parçası olmaqla yanaşı dünya iqtisadiyyatının da əsasını təşkil edir. Belə ki, AtlasРN mənbəsinin araşdırmasına görə, dünyada sadəcə 1 gün internet olmasa dünya iqtisadiyyatı 43 milyard dollar itirər. Ümumiyyətlə internet iqtisadiyyatın əvəzedilməz alətinə çevirilib. Məhz bir neçə dəqiqəlik internet kəsintisi fərqli növ iqtisadiyyatlara ciddi zərər vurur, o cümlədən insanların gündəlik həyatını pozur və onların fikirlərinə birbaşa təsir edir.
Maraqlısı budur ki, aparılan araşdırmalara görə bir gün dünyada internet olmasa dünya iqtisadiyyatı 43 milyard dollar itirə bilər. Həmçinin bu rəqəmin demək olar yarısı, 21 milyard dolları məhz ABŞ və Çinin payına düşür. Qeyd edək ki, ABŞ bir gün internet olmasa 11 milyard dollar itirərkən, Çin təxminən 10 milyard dollar zərər etmiş olacaq. Əslində bu rəqəmlər heç də təəccüblü deyil. Çünki bu gün bir çox sahələr, müəssisə və təşkilatlar internet üzərindən pul qazanır. Məhz bunların da mərkəzi ABŞ və Çin hesab olunur. Ona görə də bir günlük internet olmasa ən çox zərər məhz ABŞ və Çinə dəyəcək.
Onu da qeyd edək ki, ABŞ və Çindən əlavə olaraq bir çox inkişaf etmiş ölkələrdə də ciddi zərərlər meydana gələcək. Bunlara misal olaraq İngiltərə və Yaponiyanı deyə bilərik. Belə ki, dünyada bir gün internet olmasa İngiltərə və Yaponiya müvafiq olaraq 3 milyard, 2.7 milyard dollar itirər. Qeyd edək ki, iqtisadi təsirlər yalnız avropa, Amerika və şərqi asiya ərazilərindəki nkişaf etmiş ölkələrdə ciddi təsirlər meydana gətirər. Asiya, Afrika, Cənubi Amerika kimi ərazilərdə bir günlük internet olmamasının təsiri elə də çox hiss edilməz.
