Beləliklə oyun həvəskarlarının illərdir gözlədiyi həsrət sona çatır. Rockstar Games şirkəti rəsmi olaraq bildirdi ki, yeni Gta 6 oyununun ilk fraqmanı şirkətin 25 illiyi münasibəti ilə dekabr ayında təqdim ediləcək. Qeyd edək ki, bir neçə saat əvvəl məşhur analitik tərəfindən yeni oyun ilə bağlı açıqlamalar edilmişdi. O, artıq ilk fraqmanın tezliklə yayımlanacağını bildirmişdi. Ümumiyyətlə son illərdə analitiklər gta 6 ilə bağlı müxtəlif iddialar irəli sürmüşdü. Nəhayət bütün iddialar sona çatacaq. 1998-ci ildə qurulan və hazırda 25 yaşını qeyd etməyə hazırlaşan Rockstar Games yeni oyunu barədə ilk açıqlamaları elan etdi.
Xatırladaq ki, Gta 5 oyunu 2013-cü ildə oyun dünyasına daxil olmuşdu. Rockstar Games şirkəti bu oyun vasitəsi ilə öz gəlirlərini milyonlarla dollar artırdı. Maraqlısı budur ki, hazırda da Gta 5 həvəskarlarının sayı azalmaq bilmir. Hətta hazırda ən çox satılan oyunlardan biri məhz Gta 5-dir. Ötən illərdə Rockstar Gta 5-dən sonra ən böyük layihələrindən biri olan Red Dead Redemption 2 üzərində işləmişdi. Bu oyun da oyun dünyasını lərzəyə gətirsə də, həvəskarların Gta 6 istəyini təmin edə bilməmişdi. İndi isə nəhayət Rockstar Games bir neçə dəfə qaynaq kodları ortaya çıxan Gta 6 oyununun ilk fraqmanı barədə açıqlama edib. Dekabr ayında biz yeni oyunun ilk rəsmi görüntülərinin şahidi olacağıq.
Qeyd edək ki, sadəcə bir neçə dəqiqə əvvəl Rockstar Games rəsmi X hesabı üzərindən bu paylaşımı edib: ” Dekabr ayının əvvəlində yeni Grand Theft Auto-nun ilk fraqmanının yayımlayacağımızı sizə böyük həyəcan ilə elan edirik. Bu oyun təcrübəsini sizlərlə birlikdə daha uzun illə paylaşmağı səbirsizliklə gözləyirik. Təşəkkürlər, Sam Houser”. Bəs sizcə yeni oyun gözləntiləri tam qarşılayacaqmı?
