Apple bu dəfə maraqla gözlənilən Watch Ultra 3 modelini təxirə salmağı planlayır. Hətta texnologiya nəhəngi bildirir ki, hələ də Watch Ultra 3 üzərində işə qoyulmayıb. Bunun barədə Apple məhsulları ilə bağlı dəqiq analizləri ilə gündəmə gələn Ming-Chi Kuo paylaşım edib. Məşhur analitikn sözlərinə görə Watch Ultra 3 gözləniləndən daha gec ortaya çıxacaq. Xatırladaq ki, Apple Watch Ultra 2 sələfindən 1 il sonra ortaya çıxmışdı. Lakin gələn il Apple Ultra seriyalı saat təqdim etməyi planlaşdırmır.
Məşhur analitikin sözlərinə görə ötən aylarda yeni iPhone 15, Watch və Watch Ultra seriyalarını təqdim edən Apple gələn il yeni Watch Ultra 3 üçün hələ də hazırlıqlara başlamayıb. Ming-Chi Kuo bildirir ki, Apple Watch Ultra seriyalarının inkişaf və hazırlıq prosesi uzun olduğu üçün şirkətin hələ də bu mövzuda addım atmaması yeni ağıllı saatın gələn il təqdim edilməyəcəyinə işarət edir. Analitikin fikrincə dekabr ayına qədər şirkət hələ də hazırlıqlara başlmasa 2024-cü ildə yeni Apple Watch Ultra görməyəcəyik.
Kuo, bu gecikmənin səbəbi kimi Apple-ın “innovativ sağlamlıq idarəetmə xüsusiyyətləri”, “yeni funksiyaların tamamlanması” və davam edən Micro LED problemlərini göstərib. Əlavə olaraq, Ultra 3 2024-cü ildə təqdim edilməzsə, Ultra seriyasının tədarükünün gələn il 20-30 faiz azalacağı gözlənilir. Bu isə qlobal Apple Watch tədarükünün təxminən 10% azalması ilə nəticələnəcək. Qeyd edək ki, yeni Watch Ultra 3 modelinin 2,1 düymlük Micro LED displeyinə sahib olacağı bildirilir.
