Beləliklə avtomobil istehsalında inqilab yaradacaq yeni tökmə maşını təqdim edilib. Belə ki, tək parçada Elektromobil şassisi istehsal edə bilən 16 min tonluq alüminium tökmə maşını təqdim edildi. Tesla tərəfindən irəli sürülən tək parça şassi dizaynı bu gün çində təqdim edilən nəhəng alüminium tökmə maşını ilə yeni bir dövrə qədəm qoyur. Çinli LK machinery və Guangdong Hongtu şirkətlərinin ortaqlığı ilə hazırlanan bu nəhəng tökmə maşın gələcəkdə avtomobil sənayesində möhtəşəm yeniliklərə də imkan yaradacaq.
Artıq elektromobil şassisi bütov halda heç bir əziyyət olmada saniyələr içərisində istehsal ediləcək. Məhz bunu səbəbi də 16 min tonluq nəhəng maşındır. Qeyd edək ki, bu tökmə maşını avtomobil istehsalı və yığılmasında böyük qənaət təmin edəcək, o cümlədən fabriklərin sahəsini, istehsal xərcini də azaltmağa imkan verəcək. LK Machinery nəhəng alüminium tökmə maşınının ilk olaraq hansı avtomobil istehsalçısına tədarük ediləcəyini hələ açıqlamayıb.
Bununla belə, Tesla-nın üçüncü nəsil avtomobil platformasında belə bir maşına ehtiyacı olduğu və 25 min dollar dəyərində ən ucuz elektrik avtomobil layihəsi üçün tək hissəli şassiyə üstünlük verdiyi barədə iddialar hələ ötən aylarda ortaya çıxmışdı. Onu da qeyd edək ki, bu tökmə maşını Tesla şirkətindən başqa bir çox müştəriyə sahibdir. Bu siyahıya isə Zeekr, Volvo, Geely, Xpeng kimi elektromobil nəhəngləri aiddir. Görünən odur ki, avtomobil nəhəngləri bu tökmə maşınını əldə edə bilmək üçün rəqabət edəcəklər.
