14-cü nəsil Intel prosessorları bazarda öz yerini rəsmi olaraq tutmağa başlayıb. Belə ki, Intel şirkəti ailənin ən top variantlarındakı ən güclü və ən yeni iki prosessorunda 6 GHz səviyyəsini rahatlıqla görə bilir. 14-cü nəsil Intel prosessorları oktyabrın 17-dən etibarən xaricdə satın alına bilən olacaq.
“Raptor Lake Refresh” adlanan prosessorların ən üst pilləsində orta səviyyə bir oyun notbuku qiymətində 589 dollarlıq i9-14900K var. Bu 24 nüvəli prosessor və onun biraz altındakı 564 dollarlıq i9-14900KF modeli ən yüksək nəticəsi ilə 6 GHz tezliyinə qədər yüksəlməyi bacarırlar. 13-cü Nəsil Core i9-13900KS ilə ilk dəfə olaraq 6 GHz tezliyinə çatan Intel, həmçinin 20 nüvəli olan 409 dollarlıq i7-14700K, 20 nüvəli olan 384 dollarlıq i7-14700KF və nəhayət 14 nüvəli olan 294 dollarlıq i5-14600KF prosessorlarını təklif edir.
KF prosessorlarında inteqrasiya olunmuş GPU qoymaqdan imtina edən şirkət, geniş miqyasda istehsal ediləcək ən sürətli masaüstü prosessor kimi yeni ailənin ən ön sırasında yer alan “i9-14900K” prosessorundan “seriya istehsalı üçün hazırlanmış ən sürətli stolüstü kompüter prosessoru” ifadəsini işlədir.
Intel şirkətinin 14-cü nəsil prosessorlarında performans və səmərəlilik nüvələrini bir arada istifadə edən şirkət qeyd edir ki, yeni prosessorlar Intel 600 və 700 seriyalı anakartlarla (LGA 1700 yuvasına əsaslanaraq) heç bir problem olmadan sadəcə uyğun proqram təminatı quraşdırılması ilə işlədilə bilər. Yeni prosessorlarda Wi-Fi 7 və Bluetooth 5.4 dəstəyi də gətirilmişdir. 14-cü nəsil prosessorları ilə DDR5 5600 və DDR4 3200 RAM dəstəklədiyini də elan edən şirkət, i9-14900K-nın Starfield oyununda AMD Ryzen 9 7950X3D-dən 23% daha sürətli olduğunu bildirib.
Hər üç seriyaya aid prosessorlar 17 oktyabrdan satışda olacaq.
