Texnologiya sahəsində hər il müxtəlif brendlər tərəfindən yüzlərlə smartfon təqdim edilir. Maraqlısı budur ki, istifadəçilər aldıqları smartfonu 2-3 il sonra dəyişmək məcburiyyətində qalırlar. Bunun əsas səbəblərindən biri isə ehtiyat hissələrinin tapılmaması və yenilənmə dəstəyinin bitməsidir. Beləliklə ABŞ-ın ən böyük ştatlarından biri olan Kaliforniyada smartfon ehtiyat hissələri 7 il boyunca mövcud olacaq. Hətta ştatda bununla bağlı qanun da qəbul edilib. Qeyd edək ki, daha əvvəl Kaliforniya və Minnesota ştatlarında da oxşar qanunlar qəbul edilmişdi.
Artıq Kaliforniyada 244 saylı qanun layihəsi ilə smartfon ehtiyat hissələri 7 il mövcud olacaq. Yəni smartfon istehsalçılar bu ştatda 7 il ərzində ehtiyat hissəsi istehsal edəcək. Bununla da istifadəçilər istənilən problemi təmir edə biləcəklər. Artıq Kaliforniya qubernatoru Gavin Newsom bu qərarı təsdiqləyibş. Beləliklə ABŞ-da Kaliforniya, Nyu-york və Minnetso ştatları ehtiyat hissələrinin 7 il ərzində mövcud olması ilə bağlı qərarı rəsmi olaraq qəbul edib. Hətta qanuna görə 50-100 dollar arasında olan məhsulların ehtiyat hissələri sadəcə 3 il, 100 və daha yüksək qiymətə satılan smartfonların ehtiyat hissələri isə 7 il müddətində bazarda mövcud olmalıdır.
Bundan əlavə qərar yeni qəbul edilsə də, ötən ilin iyul ayından bəri istehsal olunan bütün avadanlıq və cihazlar üçün keçərli olacaq. Bildiyimiz kimi, bir çox texnologiya şirkətinin baş ofisi məhz Kaliforniya ştatında yerləşir. Məhz bu səbəbdən də burada alım gücü çox yüksək olur. İndi isə bu şirkətlər məcburi olaraq 7 il ərzində smartfonları üçün ehtiyat hissəsi təmin edəcək. Bundan əvvəl Kaliforniyada qəbul edilən bütün texnologiya ilə bağlı qərarlar, bütün ölkədə sonrada qəbul edilib. Çox güman ki, bu qərar da yaxında digər ştatlarda qəbul ediləcək.
