Bir müddət əvvəl adı dəyişərək X olan məşhur sosial media platformasında gizli reklamlar ortaya çıxıb. Belə ki, istifadəçilər vaxtaşırı izləmədkiləri hesablarda paylaşımlar görməyə paşlayıblar. Maraqlısı budur ki, bu paylaşımlarda heç bir sponsor və ya reklam sözü yoxdur. Bildiyimiz kimi, artıq bir çox sosial media platformasında reklamlar adi hala çevrilib. Hətta Meta gəlirinin əsas hissəsini Instagram və Facebook üzərindən reklamlar hesabına əldə edir. Lakin bu platformalarda qarşımıza çıxan reklamlar istifadəçilərə xəbərdarlıq edilir. Yəni istifadəçilər paylaşımın reklam xarakterli olduğunu başa düşür.
Twitter, yeni adı ilə X platformasında isə gizli yəni heç bir xəbərdarlıq edilməyən reklamlar artıb. Görünən odur ki, Elon maliyyə cəhətdən çətin günlər yaşayır. Xatırladaq ki, X platformasında bir çox sponsor əməkdaşlıqlarını dayandırmışdı. Buna səbəb isə Elon Musk-ın yeni siyasəti olmuşdu. Hətta platformanın yalnız reklam gəlirləri deyil, istifadəçi sayı da eyni səbəbdən ötrü getdikcə azalır. Bütün bunlara rəğmən Elon hələ də dirənir. Milyarder yeni Twitter Blue abunəliyi ilə müəyyən gəlir əldə etməyə və platformanın xərclərini balanslaşdırmağa çalışsa da, istədiyi nəticəni əldə edə bilməşdi.
İndi X platforması daxilində gizli reklamlar peyda olmağa başlayıb. Görünən odur ki, Elon istifadəçilərin qarşısına gizli reklamlar çıxarmağa çalışır. Lakin bu addım qanuna ziddir və Elon-un başı həqiqətən də böyük dərdə ola bilər. Qeyd edək ki, təxminən 1 həftə boyunca istifadəçilər heç izləmədikləri hesabların məhsulları və ya paylaşımları ilə üz-üzə qalıblar. Hələlik X platformasından bu ciddi iddialara cavab yoxdur.
