Son dövrlərdə süni intellekt texnologiyasının inkişafı göz qabağındadır. Belə ki, indi ABŞ Hərbi Hava Qüvvələrində süni intellekt təyyarə sürür. Ümumiyyətlə ABŞ-da XQ-58A Valkyrie eksperimental insansız savaş platformasının hazırlanması prosesi davam edir. Bu proses çərçivəsində isə XQ-58A Valkyrie insansız savaş təyyarəsi ilk dəfə süni intellekt ilə uça bilib. Bu həm hərbi sənaye, həm də texnologiya sənayesi üçün bir ilk hesab olunur. Hətta bu uçuşun həyata keçirilməsi süni intellektin gələcəkdə hərbi sənayedə də istifadə olunacağından xəbər verir.
Son dövrlərdə texnologiya nəhəngləri və ya dövlətlər aviasiya sahəsində yenilik etmək üçün dəridən qabıqdan çıxırlar. Bu ölkələrdən biri də məhz ABŞ-dır. ABŞ hərbi hava qüvvələri nəhayə öz məqsədlərinə çata bilib. Belə ki, ABŞ-da süni intellekt artıq təyyarə sürür. Qeyd edək ki, ilk sınaq uçuşu çox uğurlu alınıb. Pilotsuz təyyarə 25 iyul tarixində Florida ştatındakı Eglit test və təlim kompleksində 3 saatlıq uçuşunu uğurla başa vurub. Havada olarkə süni intellekt ona verilən alqoritmləri düzgün yerinə yetirə bilib. Skyborg Vanguard proqramının bir məhsulu olan bu son testdə süni intellekt pilotu AACO tərəfindən tərəfindən hazırlanmış alqoritmləri yüksək dəqiqliklə həyata keçirib.
Məlumata görə Valhyrie təyyarəsinin qanad genişliyi 6.7 metr, maksimal sürəti isə 1050 km/saat sürətinə bərabərdir. Bundan əlavə 13715 metr yüksələ bilən təyyarə 3941 km mənzil vəd edir. Həmçinin süni intellekt ilə uça bilən təyyarə kiçik çaplı bombalar da daxil olmaqla üzərində 8 ədəd silah daşıya bilir. ABŞ bildirir ki, gələcəkdə süni intellekt hərbi sənayenin mühüm xüsusiyyətlərindən biri olacaq. Artıq ABŞ bu yolda qətiyyətlə irəliləyir.
