Texnologiya sahəsinin ən köklü brendlərindən olan Panasonic 4G texnologiyası patentinə görə çinli Oppo və Xiaomi şirkətlərini məhkəməyə verib. Belə ki, texnologiya nəhəngi çinli rəqiblərinin 4G patentlərindən istifadə etmələrinin əvəzini almaq üçün onlardan pul istəyir. Bildiyimiz kimi, əvvəllər hərhansı texnologiya nəhəngi sahib olduğu patentin başqaları tərəfindən istifadə olunmasının qarşısını almaq üçün dəridən qabıqdan çıxırdı. Lakin daha sonra hətta son dövrlərdə Avropa İttifaqı bu cür məsələləri həll etmək üçün Birləşmiş Patent Məhkəməsi yaradıb. Beləliklə bu məhkəmə patent sahiblərinin hüququnu qorumağa çalışır.
Panasonic şirkəti də sahib olduğu 4G texnologiyası patentinə görə Oppo və Xiaomi şirkətlərini Birləşmiş Patent Məhkəməsinə şikayət edib. Maraqlısı budur ki, bu şikayət məhkəmənin baxacağı ilk ən böyük işdir. Panasonic şirkəti 4G və 5G texnologiyası ilə ilə bağlı olan 4 ayrı patentindən istifadəyə görə Xiaomi və Oppo şirkətlərindən pul tələb edir. Şirkət bildirir ki, çinli nəhənglər şirkətin patent hüquqlarını pozaraq öz smartfonlarından əldə etdiyi gəlirdən heç bir vəsait ayırmır. Qeyd edək ki, məhkəmə işi Manheim və Münhendə həyata keçiriləcək. Ümumiyyətlə məhkəmənin qərarı texnologiya sahəsi üçün də həlledici rol oynaya bilər.
Hələlik Oppo və Xiaomi bu vəziyyətlə bağlı açıqlama etməsə də, Panasonic iddiasının sonuna qədər arxasında durmağı planlayır. Görünən odur ki, çinli nəhənglər yatmış nəhəngi oyadıblar. Ümumiyyətlə bir zamanların öndə gedən brendlərindən olan Panasonic artıq öz yerini çinli nəhənglərə buraxmışdı. Lakin şirkət hələ də, əvvəlki mövqeyini geri qazanmaq üçün əlindən gələni edir.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
