Beləliklə Xiaomi 13T Pro modelinin təqdimatına bir neçə gün qalan Xiaomi rəsmi olaraq yeni modeli nümayiş edib. Belə ki, Xiaomi və Redmi şirkətlərinin baş icraçı direktoru olan Lu Weibing, ictimaiyyətə bir neçə günə təqdim ediləcək Redmi K60 və ya digər adı ilə 13T Pro modelini elan etdirib. Həmçinin rəsmi olaraq yeni cihazın görüntüləri də istifadəçilərə təqdim olunub. Xatırladaq ki, daha əvvəl də cihazın dizaynı və xüsusiyyətləri sızdırılmışdı. İndi isə təqdimat yaxınlaşdığı üçün yeni model nümayiş olunub.
Redmi K60 Extreme Edition olaraq nümayiş edilən smartfon həmçinin Xiaomi 13T Pro olaraqda qlobal bazarda tanınacaq. Paylaşılan şəkillərdən aydın görmək olur ki, smartfon biri 50 MP olmaqla 2 kamera sensoruna sahib olacaq. Həmçinin smartfonun Dimensity 9200+ çipseti ilə təchiz olunacağı da bildirilib. Xiaomi yeni flaqman smartfonun nə qədər çox performansa sahib olduğunu təqdim etmək üçün cihazın AnTuTu tətbiqində 1.77 milyon xal topladığını da bildirib.
Bundan əlavə paylaşılan görüntülərdə yeni cihazın 1.5K təsvir ölçülü, 144 Hz yenilənmə sürətinə malik AMOLED ekrana sahib olduğu da elan edilib. Cihazın ən qabaqcıl yeniliklərindən biri isə 24GB RAM və 1TB yaddaş ilə təklif edilməsidir. Bu isə o deməkdir ki, smartfon eyni anda 70 proqramı çalışdıra biləcək. Həmçinin Xiaomi yeni smartfonun təqdimatının 14 Avqust tarixində baş tutacağından da xəbər verib.
