Beləliklə Meta çoxdadır gözlənilən WhatsApp xüsusiyyətini əlçatan edir. Artıq çoxlu WhatsApp hesabını yalnız 1 cihazda istifadə etmək mümkün olacaq. Qeyd edək ki, bu xüsusiyyət beta versiyada sınaqdan keçirilir. İndi Android və iOS istifadəçiləri üçün multi-hesab funksiyası əlçatan olacaq. Bəzən istifadəçilər WhatsApp business tətbqini yükləmək ilə 2 hesabı istifadə etməyə çalışırdı. Lakin indi buna ehtiyac qalmayacaq. Çünki WhatsApp istifadəçilərin yalnız 1 telefonda çox sayda hesabdan istifadə etməsinə imkan yaradacaq.
Çoxlu WhatsApp hesabını yalnız bir telefonda istifadə etmək funksiyası artıq beta sınaq mərhələsindədir. Belə ki, tətbiqin 2.23.17.8 yenilənməsi ilə bu xüsusiyyəti sınaqdan keçirmək mümkün olub. Hesablar arasında keçid etmək üçün tətbiqdə yeni ikonlar meydana gələcək. Bununla da, hesablar arasında keçid etmək çox daha sadə olacaq. Yeni funksiyadan istifadə etmək üçün istifadəçilər ilk öncə tətbiqin parametrlər bölməsinə daxil olmalıdır. Daha sonra isə profilin yanında görünəcək ox işarəsi ilə eyni instagram tətbiqində olduğu kimi hesablarınız ekrana gələcək. Buradan hesab əlavə etmək üçün sadəcə + işarəsinə toxunmaq kifayət edəcək.
Qeyd edək ki, WhatsApp artıq qrup səsli zəng funksiyasını da təkmilləşdirəcək. Artıq 32 nəfər iştirakçı limiti ilə bir-birinizə səsli zəng edə biləcəksiz. Bundan əlavə tətbiqdə görüntülü video konfrans zamanı screen sharing və ya ekran paylaşma funksiyası aktivləşdiriləcək. Bununla da, Google Meet, Zoom kimi proqramlarda olan bir çox xüsusiyyət artıq tətbiqə əlavə olunur.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
