Oyun dünyasının ən çox səs gətirən layihələrindən olan Grand Theft Auto 5 və ya digər adı ilə GTA 5 yenidən satışları ilə rekord qırdı. Bildiyimiz ki, Rocstar Games-in əsas şirkəti olan Take-Two Interactive təxminən 10 il əvvəl oyun dünyasında rekordlara imza atacaq GTA 5 oyununu hazırlamışdı. Hər il olduğu kimi şirkət bu il GTA seriyasının satış rəqəmlərini paylaşıb. Nəticədə məlum olub ki, GTA 5 öz rekordunu yeniləməyi bacarıb.
Qeyd edək ki, Rockstar Games şirkətinin əfsanəsinə çevrilən GTA 5 satışları artıq yeni rekord qıraraq 185 milyonu ötüb. Maraqlısı budur ki, oyun artıq 10 ildir ki, bazardadır. Lakin şirkət hələ də online serverlərdən pul qazanmağı bacarır. Belə ki, Rockstar oyunu yeniləmək və oyunçulara daha fərqli təcrübələr təklif etməklə hər dəfə gəlirini artırır. Bundan əlavə şirkətin yaxın illərdə GTA seriyasının davamı olaraq yeni GTA 6 hazırlamaq planı var. Hətta yeni oyunun bəzi xüsusiyyətləri və xarakterləri internetə sızdırılmışdı. Bu isə şirkətin həqiqətən də yeni oyun üzərində çalışdığını sübut edir.
Rockstar GTA 5 oyunundan fərqli olaraq GTA 6 üçün büdcəsini artıracaq. Hələlik dəqiq məbləğ məlum olmasa da, şirkətin milyardlarla dollar büdcə ilə iyunu hazırlamağa başladığı bildirilir. Görünən odur ki, Rockstar Games yeni oyunundan daha çox gəlir əldə etmək niyyətindədir. Lakin hələ də oyunun təqdim edilməsi yaxın tarixində baş tuta bilməz. Hətta analitiklər oyunun 2 il ərzində təqdim ediləcəyini iddia edir. Bunun əsas səbəbi isə yeni oyunun çox detallı olmasıdır. Rockstar Games oyunlarını digərlərindən fərqləndirmək üçün həmişə yeniliklər edir. Bu dəfə isə şirkət oyunu reallığa çox yaxın tərzdə hazırlamağı planlayır.
