Hazırda texnologiya sahəsinin nəhənglərindən biri olan Meta süni intellekt tərəfində rəqiblərini keçmək istəyir. Belə ki, bir çox sosial şəbəkəni özündə birləşdirən Meta startaplar üçün kommersiya süni intellekt modeli təklif edəcək. Financial Times mənbəsi xəbər verir ki, texnologiya nəhəngi OpenAI və Google kimi süni intellekt liderləri ilə ayaqlaşa bilmək üçün yeni kommersiya süni intellekt modelini buraxacaq. Bu süni intellekt modeli isə öz növbəsində həm startaplara, həm də bu sahəyə yeni daxil olan investorlara öz proqram təminatlarını inkişaf etdirməyə kömək edəcək.
Beləliklə Meta yeni kommersiya süni intellekt modelini istifadəyə verməklə, Microsoft və OpenAI ilə rəqabətə daxil olmağı planlayır. Xatırladaq ki, Meta ötən aylarda ChatGPT kimi süni intellekt alətləri yaratmağa imkan verən LLaMA süni intellekt dil modelini təqdim etmişdi. Tədqiqatçılar, təşkilatlar və startaplar üçün əlçatan olması planlaşdırılan bu model sadəliyi ilə diqqətləri cəlb etmişdi. Maraqlısı budur ki, şirkət öz süni intellekt modellərini mənbə kodlarını dərc edir. Bunun əksinə isə OpenAI GPT-4 modelinin məlumatlarını 3-cü tərəflərə ötürməyi qadağan edir. Ümumiyyətlə meta süni intellekt sahəsində rəqabət yaradacaq.
Hətta şirkətin vitse-prezidenti və baş süni intellekt tədqiqatçlsı olan Yann LeCun bildirir ki, açıq mənbə platformaları texnologiya sahəsindəki mənzərəni tamamilə dəyişdirəcək. Yəni hazırda bazarda liderlik edən və rəqibi olmayan ChatGPT süni intellekt modeli rəqabətə girəcək. Metanın əsas məqsədi müəyyən ödəniş qarşılığında süni intellekt modellərinin mənbə kodlarını paylaşmaq və ya startaplara bu sahədə kömək etməkdir. Təbii ki, şirkətin digər məqsədlərindən biri də məhz OpenAI və Google kimi şirkətlərə yeni rəqiblər hazırlamaqdır.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
