Çinli istehsalçılar artıq Samsung brendinin yüksək keyfiyyətli ekran panellərindən imtina edə bilər. Belə ki, ötən günlərdə baş verən patent problemi yenidən gündəmə gəlib. Çinli ekran istehsalçıları olan BOE, CSOT, Tianma və Visionox Samsung brendinə qarşı mübarizə aparır. Çinli texnologiya nəhəngləri ABŞ-da Samsung brendinin patentinə qarşı yeni iddia qaldırıb. Onlar ABŞ patent idarəsinə patentin etibarsız olduğu ilə bağlı ərizə təqdim edib. Xatırladaq ki, qısa müddət əvvəl Samsung Çinli ekran istehsalçılarının ABŞ-a ekran paneli tədarük etməsinin qarşısını almışdı.
Samsung brendi patent hüquqlarının pozulması ilə bağlı OLED ekranların ABŞ-a tədarük edilməsinin qarşını alıb. Çinli istehsalçılar isə Samsung brendinin ekran paneli tədarükünə qarşı qoyduğu qadağaya qarşı hərəkətə keçib. Onlar Samsung brendinin 7.414.599 nömrəli patentinin etibarsız olması ilə bağlı Patent qoruma şurasına müraciət edib. Patent şurası isə əvvəlcə ərizəyə baxacaq, daha sonra isə ərizəni qəbul edərsə məhkəməyə müraciət edəcək. Ümumiyyətlə Samsung brendi ekran panelləri sahəsində şübhəsiz lider hesab olunur. Çinli ekran istehsalçılarının texnologiya nəhənginə qarşı birləşməsi Çinli smartfon istehsalçılarına da təsir edə bilər.
Çinli smartfon istehsalçıları bu vəziyyətdə yüksək keyfiyyətli Samsung ekran panelləri əvəzinə yerli BOE, CSOT, Tianma və Visionox kimi brendlərin ekran panellərində istifadə edə bilər. Hələlik isə məhkəmə prosesi başlamadığı üçün yeni qərarın nə olacağı barədə məlumat yoxdur. Qeyd edək ki, Samsung brendinin Çində yerləşən törəmə şirkətlərinə qarşı artıq sanksiyalar da tətbiq olunub. Görünən odur ki, Çinli istehsalçılar ilə Samsung arasında OLED ekran panelləri ilə bağlı mübahisə davam edəcək.
