Rəqəmsallaşan dünyada əvəzolunmaz hala gələn kompüterlər artıq həyatımızın vacib hissəsinə çevrilib. İnsanlar bu cihazlarda işdən ev tapşırığına, alış-verişdən oyun oynamağa qədər bir çox fərqli funksiyaları yerinə yetirirlər. Notbuklar da istifadə rahatlığı və daşınma qabiliyyətinə görə tez-tez seçilir. Bu yaxınlarda Evan və Katelyn adlı iki YouTuber çox maraqlı notbuk dizaynı hazırlayıblar. 1,36 milyon abunəçisi olan ikili bu yaxınlarda paylaşdıqları videoda dünyanın ən böyük notbukunu düzəldiblər.
Yuxarıdan gördüyünüz bu notbukun çəkisi düz 45 kiloqram ekranının ölçüsü isə 43 düymdür. Notbukların ekranının adətən 15 düym civarında olduğunu və çəkisinin 1-3 kq arasında dəyişdiyini nəzərə alsaq, Evan və Katelyinin bu kompüterinin nə qədər böyük olduğunu başa düşə bilərik. İki YouTuber kompüterdə 43 düymlük (109 sm) televizor ekranından istifadə ediblər. Nəhəng cihazın oyun oynayarkən 260 Vt-a qədər enerji istehlak edə biləcəyi bildirilib. Bu gücün əksəriyyətini ekranın istifadə etdiyini təxmin edə bilərik. Sistem tərəfinə baxdığımızda cihazda iki böyük batareya və gizli bir Intel NUC 11 mini-kompüteri olduğu deyilir. Yəni notbok Intel Core i7-1165G7 prosessoru və RTX 2060 qrafik kartı ilə də təhciz olunub. Notbukun adaptersiz işləməsi isə ən çətin hissə olduğundan 2 ədəd 150W batareya quraşdırılıb.
Bu gün bir çox böyük portativ kompüter modeli var, sənaye adətən oyun tərəfində 17 düymdən yuxarı qalxmır. Bununla belə, bu mövzuda sərhədləri aşan böyük adlar var. Məsələn, nəhəng istehsalçı Acer ötən illərdə tam 21 düymlük əyri ekrana malik notbuk hazırlamışdı.
