Bir müddət əvvəl iPhone 15 Pro modelinin CAD renderi 9to5Mac tərəfindən sızdırılmışdı. Bildiyiniz kimi, iPhone 15 Pro modeli ölçülər, həm də dizayn baxımından gələcək cihazla bağlı bir çox informasiya ortaya qoymuşdu. İndi isə iPhone 15 modeli ilə bağlı bənzər təfərrüatlar ortaya çıxıb. İlk diqqət çəkən nüans iPhone 15 modelində də dinamik ada olaraq adlandırılmış kapsul dizaynından istifadə edilməsidir. Gövdə digər modellərdə olduğu kimi daha yuvarlaq dizayna malik xətlər əldə edib. Kamera modulunun isə ölçüsü əhəmiyyətli dərəcədə böyüməyib. iPhone 15 CAD görüntülərinə əsasən, ən diqqət çəkən nüans smartfonun sələfi ilə müqayisədə cüzi böyüməsidir. 6.1 düymlük ekran yerinə smartfonun 6.2 düymlük bir ekran paneli ilə təchiz edildiyi göstərilib. Yəni, iPhone 15 Pro modelindən 0.1 düym daha böyükdür. Aradakı fərq CAD renderlərində də əyani olaraq hiss olunur.
Texniki baxımdan əhəmiyyətli bir dəyişiklik olması da gözlənilmir. Sadəcə hər kəs ümid edir ki, 60Hz tezlikli ekran panellərindən Apple şirkəti imtina edəcək. Əks halda təkcə dinamik ada şirkətin köməyinə çatmayacaq. iPhone 15 modelinə aid CAD renderlərindən sonra ən diqqət çəkən yeniliik iPhone 15 Pro üçün eksklüziv rəng seçimi ilə bağlıdır.
Belə ki, Apple şirkəti qırmızının ən aristokrat halı olaraq yanaşılan bir tünd tonundan istifadə edəcək. Aşağıdakı render görüntüsündə də gördüyünüz kimi #410D0D koduna sahib qan qırmızı halı böyük bir ehtimalla mat gövdə üzərinə işlənəcək. iPhone 15 və iPhone 15 Plus isə bir o qədər maraq cəlb etməyən rənglərə sahib olacaq. Həmin rənglər isə uyğun olaraq aşağıda gördüyünüz kimidir. Təbii ki, bütün bu məlumatlar yalnız rəsmi təqdimatdan sonra dəqiqləşəcək. Təqdimata isə nə az, nə çox sadəcə 7 ay qalıb.
