Ötən günlərdə tviti ilə 1.8 milyon insana çatmış Rusiyalı tələbə ChatGPT ilə diplom işi hazırlayıb, üstəlik müdafiə etməklə gündəmdədir. Belə ki, özünün tviter hesabında verdiyi məlumata görə ChatGPT ilə diplom işini tərtib etməyə çox vaxt sərf etməyib. Normalda aylar tələb diplom işini ChatGPT ilə tamamlamaq təqribi 23 saat vaxt alıb. “Oyun şirkəti idarəsinin analizi və təkmilləşdirilməsi” ilə əlaqədar olan diplom işi tərtib olunarkən, mətnin yaradılması, tərcümə və uyğunlaşdırma biraz çətinlik yaratsa da diplom işi 82% orijinallıq səviyyəsində təsdiqə yararlı hesab edilib. Bütün bu etdiklərini ən xırda detalına qədər tviterdə yayımlayan Aleksandr Jadan ciddi müzakirəyə səbəb olub. Rusiya universistelərində hal-hazırda ChatGPT istifadəsinin qadağan edilməsi təklif edilir.
Jadan, “Diplom işi üçün həddən artıq zəhmət çəkməyə dəyməz, lazımsız şişirdilmiş bir şeydir deyə” bildirib!
Onsuzda diplom işi ilə bağlı mövzuda çoxdandır işlədiyini bildirən Aleksandr Jadan, diplomu sadəcə diplom əldə etmək üçün aldğını və “Diplom işi üçün həddən artıq zəhmət çəkməyə dəyməz, lazımsız şişirildilmiş bir şeydir deyə” qeyd edib. Ona görə də elə ingilis dilində ChatGPT ilə yazışarıq əldə etdiyi mətnləri Rus dilinə çevirməklə, onlarla müxtəlif sorğudan sonra istədiyi həcmdə diplom işi materialı çıxarmağı bacarıb. Bu hissə biraz əziyyətli olub, çünki ChatGPT eyni anda 5000 simvoldan artıq mətnlərin qəbulunu dəstəkləməyib. Ona görə də fəsillər üzrə hissə-hissə məlumatı toplamaq lazım gəlib. Normalda bu qədər diqqət çəkməyəcək bu proses isə elə Aleksandr Jadan tərəfindən məşhurlaşdırılıb.
İndi isə Rusiya universitetlərindən ChatGPT qadağası müzakirə olunur. Qeyd edilir ki, öyrənməyə mənfi təsirlə bağlı narahatlıqlar, eləcə də süni intellekt tərəfindən yaradılan məzmunun təhlükəsizliyi və dəqiqliyi ilə bağlı narahatlıqlar ChatGPT-ə girişin məhdudlaşdırılmasını məqsədəuyğun edir. Əgər onilliklər ərzində universitetlər üçün əsas problem plagiat idisə və bu problem uğurla həll olunurdusa, indi təhsil ictimaiyyəti neyron şəbəkələrin və süni intellektin istifadəsi ilə bağlı yeni problemlə üz-üzədir. Rusiya və xarici ekspertlər yaranmış problemlə bağlı narahatlıqlarını bildirirlər və layiqli həlli tapmaq lazımdır.
Aleksandr Jadan hal-hazırda faktla bağlı universitet tərəfindən araşdırılır. Eyni zamanda diplom işinə xitam verilməsi ilə bağlı qərar qəbul edilməsi istənilir. Jadan isə hazırki vəziyyətindən olduqca razıdır.
