Hamıya məlumdur ki, hamının smartfonu olduğu kimi hər kəs kompüter sahibi deyil. Buna görə də smartfonu olan insanlar arasında populyarlaşan bir oyun daha çox oyunçu kütləsinə çatmağı bacarır. Ortaya çıxan məlumatlara görə PUBG Mobile oyununun əldə etdiyi potensial oyunun sahibi olan şirkətlərə rekord deyə biləcəyimiz bir səviyyədə gəlir qazandırıb. Üstəlik PUBG Mobile ilə qazanılan gəlir o qədər yüksək olub ki, bu vaxta qədər çıxan ən tanınmış oyun seriyası olan “Grand Theft Auto” belə son 10 ildə GTA V seriyasından qazandığı gəlirlə geridə qalıb.
PUBG Mobile oyunçularının 5 ildə oyuna gündə ortalama 5,2 milyon dollar xərclədikləri məlum olub!
PUBG Mobile oyununu böyük bir ehtimalla çoxlarınız eşidib, görüb və ya oynamısınız. 2018-ci ildən bu yana dayanmadan yüksələn oyun Google Play və App Store mağazalarında 1,1 milyard dəfə yüklənib. Oyun çıxdıqdan sonrakı 2 il ərzində isə şirkət əhəmiyyətli oyunu qazanc gətirə biləcək formaya çevirmək üçün çalışıb. Nəticədə isə tam olaraq son 4 ildə ortalama olaraq istifadəçilər gündə oyuna 5,2 milyon dollar xərcləmiş olublar. Bütün ömrü boyunca isə oyun şirkətə tam olaraq 9 milyard dollar qazandırıb. Take-Two Interactive tərəfindən verilən məlumata görə GTA V, PUBG Mobile ilə müqayisədə çıxdığı dövrdən bu yana 10 ildə sadəcə 7,68 milyard dollar qazandırmağı bacarıb.
Üstəlik digər bir fakt da var ki, PUBG Mobile oyunu Hindistanda çox populyar olsa da əldə edilən gəlirlərə Hindistan aid edilməyib. Çünki, oyunun Hindistandakı variantı sanksiyalardan yayınmaq məqsədilə BattleGrounds Mobile India olaraq fərqli bir oyun kimi yayımlanıb. Əgər gəlirlərə oyunun Hindistan variantının payı əlavə edilsə GTA V ilə müqayisədə gəlir fərqi bəlkə də 2 dəfəyə qədər arta bilər.
Mobil oyunlar bazarının yüksəlməkdə olduğunu göstərən digər oyun isə Genshin Impact olub. Xüsusilə smartfonları test etməkdə populyarlaşan və yüksək qrafik performans tələb edən bu oyun 4,1 milyard dollar gəlir qazandırıb.
