Milli İnternet Mükafatının məqsədi Azərbaycanda yaradıcılığın, peşəkar fəaliyyətin, innovativ informasiya mübadəliəsinin inkişafını və böyüdülməsini həyata keçirmək, rəqabətcil milli internet resurslarının ölkəmizdə, o cümlədən dünyada böyük izləyici auditoriyasında təbliğini həyata keçirmək, informasiya texnologiyalarının insanlar arasında yayılmasına dəstək vermək və Azərbaycan dilinin internetdəki tətbiqinin genişləndirilməsindən ibarətdir. Vaxtı ilə “Milli Net” kimi tanınan, lakin hal-hazırda “NETTY” və ya Milli İnternet Mükafatı kimi tanınan (NETTY2022) müsabiqə üçün qeydiyyat rəsmi olaraq başlayır.
![netty2022](https://tedroid.com/media/2022/11/netty-2022-milli-internet-mukafati-2.png)
NETTY2022 Milli İnternet Mükafatı Azərbaycanda 17-ci dəfədir ki, baş tutur!
2004-cü ildə yaradılan NETTY hər il Azərbaycanın ən yaxşı internet saytlarını, tətbiqlərini, sosial resurslarını müəyyənləşdirir və mükafatlandırır və bu il 17-ci dəfə keçirilir. Dekabrın 1-dən dekabrın 7-dək namizədlərin siyahısını formalaşdıran Ekspert Şurasının və Virtual Münsiflər Heyətinin səsverməsi keçiriləcək. Dekabrın 8-də NETTY Akademiyası namizədlər arasından qalibləri müəyyən etmək üçün səsverməyə başlayacaq. Elan edilmiş əsas nominasiyalar üzrə hər bir kateqoriya üzrə qaliblər müəyyən ediləcək. İştirakçıların qiymətləndirilməsi aşağıdakı 3 meyar üzrə aparılır: İdeya, məzmun, icra. Ərizələrin qeydiyyatı ödənişlidir. Noyabrın 1-dən noyabrın 5-dək ödəniş üçün güzəşt müddəti var.
![netty2022](https://tedroid.com/media/2022/11/netty-2022-milli-internet-mukafati-1-1024x1024.jpg)
2022-ci ildə NETTY aşağıdakı əsas kateqoriyalar üzrə vebsaytlar, tətbiqlər və sosial səhifələr arasında resursları qiymətləndirəcək:
1. Dövlət və Cəmiyyət
2. İqtisadiyyat və Biznes
3. Maliyyə və Banklar
4. Elm, Təhsil və İnnovasiya
5. Səhiyyə, İdman və Turizm
6. İnformasiya və Xəbərlər
7. Mədəniyyət, İncəsənət və Yaradıcılıq
NETTY2022-nin qalibləri mükafatlandırma mərasimində rəsmi olaraq elan edilir. Müsabiqənin bütün nominantları tədbirə dəvətlidir. Tədbir zamanı müsabiqənin nominantları və qalibləri diplomları və rəsmi NETTY mükafatını, həmçinin müsabiqənin tərəfdaşlarından hədiyyələri əldə edirlər. Netty.az saytından müsabiqə haqqında ətraflı məlumat əldə edə bilərsiniz. Eyni zamanda bu saytdan iştirak üçün müraciət imkanınız da mövcuddur. Müsabiqənin rəsmi tərəfdaşları NAR, ePoint, DELL, Gulfstream Distribution LLC, SmartHost, Rasul Hasan Studio, Renley şirkətləridir. Mükafatla əməkdaşlıq üçün [email protected] ilə əlaqə saxlaya bilərsiniz.