Xiaomi 2025-ci ilin ikinci rübündə 5,4 milyondan çox kondisioner tədarük etdiyini açıqlayıb. Beləliklə, bu rəqəm, illik müqayisədə 60%-dən çox artım deməkdir və kondisioner biznesində ən yüksək rüblük tədarük həcmini göstərir. Şirkət eyni dövrdə 116 milyard yuan (təxminən 16,24 milyard dollar) gəlir əldə edərək, ardıcıl üç rüb ərzində 100 milyard yuanı ötüb. Xiaomi-nin ağıllı ev cihazları seqmentində də əhəmiyyətli artım qeydə alınıb. Gəlir illik müqayisədə 66,2% artıb, soyuducu tədarükü isə 25%-dən çox artımla 790.000 ədədi keçib. Paltaryuyan maşınların tədarükü 45%-dən çox artaraq 600.000 ədədi ötüb
Satış uğurları ilə yanaşı, şirkətin istehsala investisiyaları da sürətlənir. Vuhanda təməli 2024-cü ilin noyabrında qoyulan və struktur tikintisi 2025-ci ilin yanvarında tamamlanan ilk ağıllı ev fabriki ilin sonuna kimi kütləvi istehsala başlayacaq. İlkin mərhələdə zavod kondisioner istehsalına diqqət yetirəcək və ev və mərkəzi sistemlər üçün altı yarımfabrikdən ibarət olacaq.
Bu arada, paylaşılan məlumatlara görə, Xiaomi iyul ayında onlayn kondisioner seqmentində Gree-ni keçərək ikinci yeri tutub. Bununla belə, Gree də tez cavab verib. Marketinq direktoru Zhu Lei bildirib ki, AVC-nin rəsmi məlumatlarına görə, Gree iyul ayında onlayn kondisioner bazarında 16,41%, Xiaomi isə 13,5% paya sahib olub. Bununla belə, Xiaomi-nin indi də kondisioner bazarında özünü doğrultması və sürətlə inkişafı danılmaz həqiqətdir.
