Xiaomi 17T seriyasını təqdim edir: iki ölçü, bütün xətt üzrə telefoto obyektiv və Leica Live Moment

Vyana, Avstriya, 28 may 2026-cı il Xiaomi yeni Xiaomi 17T smartfon seriyasını təqdim edib. Seriyaya Xiaomi 17T və Xiaomi 17T Pro modelləri daxildir. Yeni seriya 5 qat Leica telefoto kamerası, göz sağlamlığını qoruyan ekran texnologiyası və yüksək tutumlu batareya ilə təchiz olunub. “T Series” xəttində ilk dəfə olaraq smartfonlar iki fərqli ölçüdə təqdim edilir və istifadəçilərə flaqman səviyyəli fotoçəkiliş imkanları, yüksək avtonomluq və premium dizayn təqdim edir.

Telefoto Sənətinin Ustası və “Leica Live Moment” ilə anları hekayəyə çevirin.

Xiaomi 17T seriyası Leica Summilux optikası ilə təchiz edilmiş 50 MP əsas kamera və 5 qat telefoto obyektivə malikdir. Hər iki model 120 qata qədər AI Ultra Zoom funksiyasını dəstəkləyir. Leica Live Moment texnologiyası isə hərəkəti, emosiyanı və anın atmosferini daha canlı şəkildə qeydə almağa imkan verir.

Flaqman ekran: parlaq və canlı görüntü

Yeni modellər 3500 nit parlaqlığa malik 1.5K AMOLED ekranla təchiz olunub. Xiaomi 17T Pro modelində 144 Hz, Xiaomi 17T modelində isə 120 Hz yenilənmə tezliyi təqdim olunur. Yenilənmiş dizayn və incə çərçivələr cihazların premium görünüşünü tamamlayır.

Güzəştsiz güc və performans

Xiaomi 17T Pro 7000 mAh, Xiaomi 17T isə 6500 mAh tutumlu silisium-karbon batareyaya malikdir. Modellər müvafiq olaraq 100 Vt və 67 Vt HyperCharge sürətli enerji doldurma texnologiyalarını dəstəkləyir. Smartfonlar MediaTek Dimensity 9500 və Dimensity 8500-Ultra prosessorları ilə təchiz olunub.

Qiymət və satış

Xiaomi 17T seriyasını hədiyyələrlə birgə Kontakt, Irshad, Baku Electronics və Soliton mağazalar şəbəkələrindən əldə etmək mümkündür. Xiaomi yeni flaqman cihazı alıcılarına xüsusi hədiyyə təklif edir. Belə ki, Xiaomi 17T Pro alıcıları Xiaomi REDMI Pad 2 planşetini pulsuz əldə edə biləcəklər. Alıcılar planşet üçün 24 aylıq zəmanətdən və bir dəfəlik pulsuz ekran dəyişdirilməsindən yararlana biləcəklər.