Whatsapp tətbiqinə Telegram tətbiqini xatırladan yeni funksiyalar gəlməyə davam edir. Yeni gələn funksiya mesajların tarix üzrə axtarışı yeniliyidir. Əslində bu funksiya iki il əvvəl hazırlanıb, lakin WhatsApp bəzi səbəblərdən funksiyanın inkişaf prosesini dayandırıb. Belə görünür ki, şirkət bu yaxınlarda yenidən bu funksiya üzərində işləməyə başlayıb və indi onu beta istifadəçiləri üçün əlçatan edib.
Qeyd edək ki, iOS üçün ən son WhatsApp beta yeniləməsi 22.24.0.77 ilə bəzi beta istifadəçiləri tarix üzrə axtarış funksiyasından öz söhbətlərində və qruplarında istifadə edə bilirlər. Lakin iOS əməliyyat sistemindən fərqli olaraq Android üçün ən son WhatsApp beta 2.22.25.9 yeniləməsini quraşdırdıqdan sonra bəzi beta istifadəçiləri söhbətlərində bu kiçik dəyişikliyi görə bilərlər.
Ekran görüntüsündə gördüyünüz kimi, WhatsApp tətbiqində tarix xaricində digər bir xırda yenilik isə göstərilən “ad bölməsinin” indi telefon nömrəsi qeydiyyatda olmayan insanlar üçün telefon nömrəsindən əvvəl gəlməsidir. Bu dəyişiklik sayəsində WhatsApp indi söhbətlərdə ilk etiketi ad kimi dərhal görünən edir. İnsanların adları qeydiyyatlı olmasa belə etiket adları, qrup söhbətlərinizdə naməlum kontaktlardan gələn mesajları tanımağı daha da asanlaşdıracaq.
Telefon nömrəsi ad dəyişiklikləri də bəzi beta istifadəçilərində aktiv edilib və onlar yaxın günlərdə daha çox istifadəçiyə yayılacaq. Yenilik yekun versiyada yayımlandıqdan sonra isə artıq hamı heç bir məhdudiyyət olmadan tətbiqin imkanlarından yararlana biləcəklər. Böyük bir ehtimalla qarşıdakı həftələrdə yeniliyin yekun versiyası istifadəyə verilmiş olacaq.
