Bir çoxlarımız kompüterdə qarşılaşdığınız problemin həllini izah edən YouTube videosu ilə rastlaşmışıq. YouTube-un ilk günlərindən tez-tez istifadə edilən və bir çox insan üçün etibarlı olan bu üsul, təəssüf ki, son zamanlar kiber hücumçuların ən böyük silahına çevrilib. CloudSEK kibertəhlükəsizlik firmasının hazırladığı hesabata görə, süni intellektin dəstəyi ilə hazırlanan və problemlərin həlli və ya pirat proqram/oyunların tanıtmaq məqsədi daşıyan YouTube videolarının demək olar ki, hamısında ciddi virus ehtiva edən proqramlar reklam edilir. Üstəlik, bəzi viruslar firewall vasitəsilə keçə bilər.
CloudSEK-in apardığı araşdırmaya görə, kiberhücumlar son zamanlar tez-tez rastlaşdığımız süni intellekt vasitələrindən istifadə edərək bir neçə dəqiqə ərzində pirat proqramlar üzərində videolar hazırlayır və YouTube-da paylaşırlar. Onlar “YouTube” alqoritmindən istifadə edərək, süni intellektin dəstəyi ilə yaradılan şərhlər sayəsində virus yayan videoları ön plana çıxarırlar.
Məsələn, pirat Photoshop, Office proqramları, oyunlar və hətta pulsuz proqramların saxta versiyalarının videolarını hazırlayan hücumçular bu videoların təsvirlərində qısaldılmış keçidlər vasitəsilə yükləmə linklərini buraxırlar. Linklərə kliklədiyiniz zaman sistem əvvəlcə brauzerinizdən istifadə edərək IP ünvanınızı və məlumatlarınızı öyrənir və brauzerinizi yoluxdurur, sonra proqramı yüklədiyiniz zaman yoluxmuş fayllar yavaş-yavaş sisteminizi ələ keçirir.
CloudSEK-in əldə etdiyi məlumatlara görə, 2022-ci ildə bütün YouTube-da belə videoların ümumi sayı 100-150 arasında olduğu halda, 2023-cü ilin fevral ayında YouTube-da 15 mindən çox “yoluxmuş video” yayılıb. Üstəlik, diqqətsiz istifadəçisinizsə, bu cür videolardakı tətbiqlərə görə məlumatlarınızı asanlıqla itirmək və ya kompüterinizi kriptovalyuta mədən maşınına çevirmək ehtimalınız yüksəkdir.
Bu cür videolara diqqət yetirərkən nəzərinizə çatdıraq ki, pirat proqramlardan istifadə etmək cinayətdir və qeyri-etikdir. İçində olduğumuz iqtisadiyyata görə lisenziyalı proqram təminatından istifadə etmək baha olsa da, unutmayın ki, pirat proqram sayəsində aylarla pula qənaət edərək sisteminizin qrafik kartını yandıra bilərsiniz.
