OpenAI şirkətinin ən böyük uğurlarından biri olan ChatGPT süni intellekt alətinin trafiki bir neçə müddətdir ki, azalmışdı. Bunun əsas səbəbi kimi isə tədris ilinin bitməsi və yay tətilinin başlaması göstərilirdi. Maraqlısı budur ki, yeni tədris ilinin başlamsı ilə ChatGPT alətinin trafiki də yenidən canlanıb. Məhz bu vəziyyət bir daha sübut edir ki, müəllimlər, o cümlədən şagirdlər və tələbələr öz ev tapşırıqlarını süni intellekt çatbotu vasitəsi ilə həll edirlər. Hətta bəzi ölkələrdə bu hal bir neçə də ortaya çıxarılıb. Tələbələr elmi məqalələrini chatgpt çatbotuna yazdıraraq dissertasiyanı uğurla keçirdi. Lakin bu vəziyyət ortaya çıxarıldıqda onların diplomları və məqalələri ləğv edilmişdi.
İyun ayından etibarən ciddi şəkildə azalan ChatGPT trafiki yeni tədris ilinin başlaması ilə yenidən canlanıb. SimilarWeb şirkətinin verdiyi məlumata görə artıq sentyabr ayının əvvəlindən trafik əvvəlki halına qayıtmağa başlayıb. Maraqlısı budur ki, bu gün ChatGPT süni intellekt çatbotu tərəfindən yazılan tapşırıqlar və məqalələr çox çətinliklə aşkar edilir. Məhz bu hal da gələcəkdə təhsil sisteminin çox zəifləməsinə səbəb olacaq. Bu gün ChatGPT süni intellekti öz yazdığı məqaləni və ya tapşırığı xatırlmadığı üçün bu problem yaşanır.
Belə ki, ötən günlərdə aparılan araşdırma nəticəsində ChatGPT süni intellekt çatbotunun yazdıqları barədə heçbir məlumatının olmadığı aşkar olmuşdu. Bəzən istifadəçilərin bu yazını sən yazmısan? sualına təsadüfi cavablar verən süni intellekt çatbotu gələcəkdə təhsil sistemi üçün böyük problemə çevrilə bilər. Lakin artıq bir çox şirkət o cümlədən OpenAI bu problemin üzərində çalışır. Güman edilir ki, yaxın gələcəkdə təhsil sistemi üçün potensial təhlükə mənbəyinə çevrilən bu hal aradan qaldırılacaq.
