Son illərin ən çox diqqətçəkən bazarlarından olan NFT bazarı artıq rəsmən çökdü və bir çox NFT-nin dəyəri sıfıra enib. Milyonlarla istifadəçi gələcəkdə varlanmaq ümidi ilə aldığı NFT-lərdən çox böyük məbləğlərdə zərər edib. Belə ki, bir çox insan yeni yarandan rəqəmsal bazar olan NFT bazarından çox ümidli idi. Onlar bu bazarın kriptovalyutada olduğu kimi birdən-birə dəyərlənəcəyini düşünürdü. Hətta dünyanın ən məşhur adamları belə NFT bazarına yatırımlar etmişdi. İnsanlar hərhansı şəkil və ya portretin NFT-ni alaraq gələcəyə yatırım edirdilər. Lakin bu vəziyyət heç də onların gözlədiyi kimi olmadı. Artıq NFT-lər dəyər itirməyə başlayıb.
Xatırladaq ki, NFT bazarı ilk meydana çıxdığı dövrlərdə milyonlarla dollar yatırım əldə etmişdi. İnsanlar bu bazardan çox umidli olduğu üçün əllərində nə var nə yox hamısını NFT-lər üçün xərcləyirdi. Lakin NFT SCan və CoinMarketCap mənbəsi tərəfindən təqdim edilən məlumata görə NFT bazarı rəsmən çökdü. Belə ki, bazardan olan 73257 NFT kolleksiyasından təxminən 95%-nin yəni 69795 ədədinin dəyəri artıq sıfıra bərabərdir. Bir zamanlar insanlar tərəfindən milyonlarla dollara alınan bu NFT-lər artıq sadəcə bir heçdən ibarətdir. Analitiklərin hesablamalarına görə, bazarın çökməsi ilə təxminən 23 milyon insan heçbir dəyəri olmayan NFT-lərə sahib olub.
Ümumiyyətlə son 2 il ərzində NFT bazarı sürətlər böyüdü. Bunun əsas səbəbbi isə insanların bir-biri ilə mübarizə aparması idi. Hərkəs bir anda heç bilinməyən bazarda minlərlə, hətta milyonlarla dollar yatırım etməyə başladı. Hətta bu yatırımların məbləği aylıq olaraq 2.8 milyard dollara qədər gəlib çatmışdı. Maraqlısı budur ki, məşhur insanlar tərəfindən də maraqla qarşılanan bu bazarda bir çox insan bir anda gəlir də əldə etdi. Lakin təəssüf ki, indi dəyərsiz NFT sahibi həddindən artıq çoxdur. Bir zamanlar 70 min dollar ətrafında satılan NFT-lər indi sadəcə 25 min dollara təklif olunur və ya ümumiyyətlə dəyəri sıfıra bərabərdir.
