Google-un sorğusuna əsasən, tərtibatçıların 75%-dən çoxu və ya əksəriyyəti süni intellektə güvənir və onun məhsuldarlığı artırdığına inanır. Maraqlısı budur ki, araşdırmalara görə, süni intellekt vasitələri məhsuldarlığı və kod keyfiyyətini artırır.
Tərtibatçılar arasında süni intellektdən istifadə nisbəti sürətlə artmaqla yanaşı, süni intellektə etibar etmək problemi gündəmə gəlib. Google şirkətinin DevOps Hesabatı bu sahədə mühüm problemləri ortaya çıxarıb. Google Cloud-un DevOps Tədqiqat və Qiymətləndirmə (DORA) komandası tərəfindən dərc edilmiş 2024-cü il DevOps Hesabatına əsasən, proqram təminatı və IT ilə məşğul olan tərtibatçıların əksəriyyəti gündəlik iş tapşırıqlarının yerinə yetirilməsində süni intellektə güvənir. Bu, kifayət qədər yüksək göstərici olsa da, hesabatda süni intellektin təklif etdiyi rahatlıq və sürətə baxmayaraq, onun bəzi potensial risklər də daşıdığı vurğulanır.
Təxminən 3000 texnologiya mütəxəssisinin iştirakı ilə aparılan araşdırmaya görə, süni intellekt tərtibatçılara kod yazmaq, məlumatı ümumiləşdirmək və kodu izah etmək kimi vəzifələrdə kömək edir. Sorğu iştirakçılarının yüzdə 81-i şirkətlərinin süni intellektin inkişaf proseslərinə resurslar ayırdığını, yüzdə 67-si isə süni intellektdən istifadənin kodlarını yaxşılaşdırdığını bildirib. Həmçinin, süni intellekt komanda daxilində sənədləşmə keyfiyyətində 7,5 faiz, kod keyfiyyətində 3,4 faiz və kodun nəzərdən keçirilməsi sürətində yüzdə 3,1 yaxşılaşma təmin edir. Eyni zamanda, kodun mürəkkəbliyində 1,8 faiz azalma olduğu görünür.
