Süni intellekt sahəsində bir çox şirkətin səhm qiymətlərinin artması ilə birlikdə, iqtisadiyyatın bu sahəsinə də yüksək investisiyaların qısa zamanda özünü doğrultmayacağına inanan investorlar arasında bəzi şüphələr yaranıb. TЅMС-nin təchizatçılarından biri yarımkeçirici sənayenin çoxillik inkişaf dövrünə yenicə başladığını bildirib. Belə ki, təchizatçıya görə Süni intellekt yaxın bir neçə il ərzində yarımkeçirici sənayesini inkişaf etdirəcək.
Məhsullarını dünyanın ən böyük çip müqavilə istehsalçısı olan TSMC-yə tədarük edən Scientech-in baş direktoru Ming-Chi Hsu, Bloomberg TV-yə verdiyi müsahibədə bildirib ki, önümüzdəki dövrdə yarımkeçirici sənayesində əsas inkişaf dövrü başlayacaq. Bu inkişafın hərəkətverici qüvvəsi isə süni intellekt komponentlərinə olan tələbin olacağını bildirib. Ming-Chi, ötən 20 ildə yarımkeçirici bazarının sözün əsl mənasında ildə 8% böyüdüyünü lakin, süni intellekt komponentlərinin gələcəkdə bu göstəricini daha da artıra biləcəyini bildirib.
Ming-Chi Hsu bir sözlə qeyd edir ki, “Süni intellekt sənayesində inkişaf hələ yeni başlayır”. Bununla belə, bir çox investor süni intellektin artıq pik həddə çatdığını və bundan sonra tənəzzülə keçəcəyini düşünür. Ѕсіеntесh tərəfindən istehsal olunan avadanlıqların ən böyük alıcısı olan TSMC-nin il ərzində satınalma həcmi təxminən 2 və ya 3 dəfə artıb. İcraçı direktorun fikrincə, ilin ikinci yarısında bu, şirkətin gəlirlərinin dayanmadan artmasına imkan verəcək. Bilməyənlər üçün qeyd edək ki, Ѕсіеntесh, ТЅМС-yə şirkətin СоWоЅ çiplərini qablaşdırmaq üçün istifadə etdiyi ləvazimatı təmin edir.
