Ən yeni süni intellekt modelləri son dərəcə real səhnələr yarada bilir. Film istehsalı və VFX sahəsində ixtisaslaşmış mütəxəssislərin fikrincə, süni intellekt sənəti tanınmaz dərəcədə dəyişəcək. Ümumiyyətlə, bu gün məhsuldar süni intellekt modellərinin vizual, audio və video baxımından möcüzələr yaratdığının şahidi oluruq. Bəs, bu modellər kino və televiziya sənayesini dəyişəcəkmi?
Film çəkilişi və VFX sahəsində ixtisaslaşan peşəkarlar üçün bu, qısa müddətdə baş verməyəcək. Lakin uzunmüddətli perspektivdə dəyişiklik sözün əsl mənasında təsəvvürümüzdən kənara çıxa bilər. SIGGRAPH-da keçirilən paneldə mövzu ilə bağlı çıxış edən ekspertlər radikal dəyişikliklərə hazır olmalıyıq deyirlər. Ancaq bu köklü dəyişiklik üçün hələ vaxt var. Mütəxəssislər bildirir ki, indiki heç bir süni intellekt bir kliklə VFX çəkilişini yarada bilməz və bu, ən azı indiki halda mümkün deyil. Digər tərəfdən, bəziləri dil maneəsinin aşılmasının çox çətin olduğunu bildirir.
Mütəxəsislər bildirir ki, insanların etdiyi hər şey üçün bir söz deyə bilmərik. Bəli, yoqa pozaları və ya balet pozaları kimi təsvir edə biləcəyimiz şeylər var, lakin etdiyimiz işlərin əksəriyyətinin adları yoxdur. Onsuz da biz buna ehtiyac hiss etmirik. Bu vəziyyət süni intellekt modellərinin xəyal etdiyimiz şeyi ortaya çıxarmasında çətinliklər yaradır. Bəzi ekspertlər süni intellektin bildiyimiz kimi filmlərin istehsalı üçün deyil, tamamilə yeni bir əyləncə növü üçün istifadə ediləcəyini düşünürlər. Bununla belə, süni intellektin istehsal etdiyi obrazların və aktyorların olduğu filmlərin yayımlanacağı və insanların onları qəbul edəcəyi bildirilir. Hekayə yaxşı olarsa, personajlar köklüdürsə və insanlar bu personajlara bağlana bilsələr, filmin süni intellektlə istehsal olunub-olunmamasının heç bir əhəmiyyəti olmayacaq, çünki insanlar onu izləməkdən həzz alacaqlar. Təbii ki, bu proses boyu çoxlu fəlsəfi müzakirələr olacaq.
