Reuters agentliyinin məlumatına görə, Səudiyyə Ərəbistanının nəzarətində olan bir şirkət Misirin paytaxtında ilk dəfə 55 mərtəbəli ofis qülləsi inşa edir. Belə ki, 2025-ci ildə inşası başlayacaq bu göydələn Misirdə tikiləcək və dünyanın ilk hidrogen göydələni adını daşıyacaq. Göydələnin fəaliyyət göstərməsi üçün lazım olan enerji maye halında oraya çatdırılacaq, təmiz hidrogendən istifadə edilərək əldə ediləcək.
1milyard dollara qədər xərcə sahib olması gözlənilən bu layihə davamlı iqtisadiyyatın, həyatın və eləcə də istehsalın nümunəsi olacaq. Layihənin ilk qərarı 2023-cü ilin Yanvar ayında Davosda keçirilən 53-cü Dünya İqtisadi Forumunun sonuncu günündə imzalanıb. Tikinti işləri Saudi Arabian Group Rawabi Holding-in törəmə şirkəti olan Saudi Arabia Magnomy Registry tərəfindən aparılacaq. Qüllənin qarantı Forbes Media Group-dur. Habelə, layihənin adı Forbes Beynəlxalq Qülləsi olaraq adlandırılır. Beləliklə, dünyanın ilk hidrogen göydələni həm də, Forbes-in ilk ticarət göydələni olacaq.
Göydələnin damına günəş panelləri yerləşdiriləcək və onun elektrik enerjisinin 25%-i bu panellər vasitəsi ilə qarşılanacaq. Elektrik enerjisinin qalan hissəssi isə göydələnə ötürüləcək hidrogendən alınacaq. Layihə bəzən elektrik enerjisi kəsilən Misirin ictimai xidmətləri ilə heç bir əməkdaşlıq etmir. Belə ki, bu göydələn bütün enerji təchizatını öz hesabına qarşılayacaq. Forbes Beynəlxalq Qülləsi tamamlandıqdan sonra Dubay və Ər-Riyadda da oxşar qüllələr tikiləcəyi açıqlanıb. Binada iki ədəd super yüksək sürətli VIP lift mövcud olacaq. Təhlükəsizlik tərəfində isə bina həm fiziki, həm də kiber müdaxilənin qarşısının alınması sistemləri ilə təmin edilir.
