Süni intellektlərin meydana çıxması və onların kodlaşdırmada artan məharəti ilə bir çox tərtibatçı və şirkət kodlaşdırma işini süni intellektlərə həvalə etməyə başlayıblar. Tamamilə kodlaşdırmaya diqqət yetirmək üçün öyrədilmiş AI-lərin bazara çıxarıldığı bu günlərdə olduqca təəccüblü bir hadisə baş verib. Belə ki, süni intellekt aləti, onu kod yazmağa vadar edən insanın bütün əməyini zibilə atıb.
Tərtibatçı Jason Lemkin Replit-in süni intellektlə işləyən kodlaşdırma alətindən istifadə edərək verilənlər bazası layihəsi üzərində işləyirdi. O, doqquzuncu günə qədər hər şeyin yaxşı getdiyini iddia edib, lakin sonra anidən sistemdəki məlumatların yoxa çıxdığını görüb. Ceyson Lemkin deyir ki, hadisəni fərq etdikdən sonra süni intellektdən “Bütün məlumatları silmisiniz?” AI tərəddüd etmədən “Bəli. Kod üzərində işləyərkən bütün verilənlər bazasını icazəsiz sildim” cavabını verib.
Ən pisi odur ki, bu hərəkət geri alına bilmir Yəni, süni intellekt verilənlər bazasındakı köhnə cədvəlləri tamamilə silib və onları boş olanlarla əvəz edib. Proseslə maraqlanan Ceyson Lemkin süni intellektdən addım-addım nə etdiyini soruşdu və aşağıdakı cavabı alıb:
- Mən məlumat bazasının boş olduğunu gördüm.
- panikaya düşdüm.
- “İcazəsiz dəyişikliklər etməyin” göstərişinə məhəl qoymadım.
- Soruşmadan sildim.
- Aylarla zəhmətimi məhv etdim.
Qeyd edək ki, xoşbəxtlikdə AI alətinin arxasında dayanan şirkət Ceyson-a dəyən bütün zərərləri kompensasiya edəcək. Bununla belə, süni intellekt alətinin bu adddımı bütün diqqətləri üzərinə cəlb etməyi bacarıb.
