Ötən aylarda bütün diqqətləri öz üzərinə cəlb etməyi bacaran OpenAI imzalı Sora süni intellekti bu ilin sonuna qədər istifadəyə veriləcək. Hələ dəqiq tarix elan edilməsə də, bu gün edilən rəsmi açıqlama şirkətin bütün hazırlıqları artıq tamamladığını göstərir. Beləliklə, süni intellekt tərəfində daha bir yenilik istifadəçilərə təqdim olunur.
Qeyd edək ki, OpenAI, yazıları bir anda vizuallaşdıran DALL-E sonrasında süni intellekt əsaslı video hazırlama tərəfində də yenilik etmişdi. Şirkətin yeni süni intellekt modeli “Sora” yazılanlardan 60 saniyəlik videolar hazırlaya bilir və inanılmaz səviyyədə möhtəşəm nəticələrə imza atır. Məhz ötən aylarda Sora-nın təqdim edilməsi zamanı bütün diqqətləri öz üzərinə cəlb edə bilməsinin səbəblərindən biri də bu idi. Əslində süni intellekt ilə video hazırlamaq bizə heç də yad deyil. Lakin OpenAI imzalı Sora bu sahəyə gec girsə də, çox iddialı infrastruktura malikdir.
OpenAI bildirib ki, müəyyən təhlükəsizlik risklərinə qarşı Sora ilk mərhələdə müəyyən insanlar üçün əlçatan olacaq. Şirkət, süni intellekt sisteminin sui-istifadəsinin qarşısını almaq üçün daha sonra ictimaiyyətə təqdim edəcəklərini bildirib. O cümlədən, şirkətin CTO-su Mira Murati tərəfindən edilən yeni açıqlamaya görə, yaxın aylarda Sora-nı istifadəyə verməyi düşünürlər. İnsanların istəklərini fiziki reallıqla qarışdıran sistem hələ tam mükəmməl deyil və OpenAI bunu etiraf edir və bəzi zəif tərəflərinin olduğunu açıq şəkildə bildirir. Təbii ki, DALL-E kimi zamanla təkmilləşəcək Sora, artıq böyük bir gələcək potensialını ortaya qoyur
