Beləliklə, sosial şəbəkələr arasında ən yeni hesab oluan TikTok-un gələcəyi bəll olur. “TikTok”-un satışını və ya tamamilə qadağan edilməsini məcbur edə biləcək qanun layihəsi ABŞ Konqresinin Nümayəndələr Palatası tərəfindən rəsmi olaraq təsdiqlənib. Belə ki, TikTok platformasının qadağan edilməsi ilə bağlı qanun layihəsi məclisə ilk dəfə təqdim edildikdən sonra bu gün “Amerikalıları Xarici Düşmən Nəzarətli Tətbiqlərdən Müdafiə Aktı” çərçivəsində səs vermə yolu ilə təsdiqlənib. Qeyd edək ki, bu qanun layihəsinin lehinə 352 səs, əleyhinə isə 65 səs toplanıb.
ABŞ Nümayəndələr Palatası, “TikTok”-u qadağan edə biləcək qanun layihəsini təsdiqlədikdən sonra, qanun layihəsi ABŞ Senatına göndərilib. Ümumiyyətlə deyə bilərik ki, TikTok-un gələcəyi təhlükə altındadır. Qanun qəbul olunarsa, TikTok-un ana şirkəti olan Çinli ByteDance-ın proqramı satmaq və ya ABŞ-ın App Store, Play Store kimi tətbiq mağazalarından və veb hostinq xidmətlərindən istifadə etməsi qadağan ediləcək. Senator Rand Paul qanun layihəsini bloklayacağını desə də, digər qanunvericilər qanun layihəsini açıq şəkildə dəstəkləməkdə tərəddüd edirlər. Ona görə də qanun layihəsinin qanuniləşdirilib-qanuniləşdirilməyəcəyi hələlik bəlli deyil.
Maraqlısı budur ki, TikTok, qanun layihəsinin ilk dəfə gündəmə gətirilməsindən sonra bunun konstitusiyaya zidd olaraq xarakterizə edərək, ABŞ-lı istifadəçilərinə ani bildiriş göndərərək qanun layihəsinə qarşı çıxmalarını istədi. Bu tələbdən sonra Konqresə çoxlu telefon zəngləri edildiyi bildirilib. Qanun layihəsinə ifadə azadlığı və rəqəmsal hüquqlar qrupları da qarşı çıxır. Bununla birlikdə, ABŞ-da prezidentliyə namizədlər, o cümlədən Bayden seçkilərdən əvvəl TikTok-dan fəal şəkildə istifadə edirlər. Bayden qanunu ona gələndə təsdiqləyəcəyini bəyan etsə də, görünür, TikTok qadağasını Senatdan keçirməyə çalışmaq heç də asan olmayacaq.
