OpenAI süni intellekt əsaslı çatbotu ChatGPT-ni daha da təkmilləşdirmək niyyətindədir. Belə ki, Microsoft şirkətindən əlavə maliyyə dəstəyi almağı planlayan OpenAI artıq GPT-5 dil modelini hazırlamağa başlayıb. Xatırladaq ki, OpenAI sonuncu dəfə GPT-4 Turbo dil modelini təqdim etmişdi. İndi isə şirkət ChatGPT çatbotunu daha təkmilləşdirmək üçün yeni, daha çox funksiyalı dil modeli hazırlayır. Maraqlısı budur ki, şirkət bu barədə heçbir açıqlama vermədən işə qoyulub.
Sam Altman bildirib ki, GPT-5 dil modelinin təlim prosesi üçün daha çox məlumat həcmi tələb ediləcək. Habelə Altman bu məlumat tələbinin nternetdəki ictimai məlumat dəstləri ilə özəl şirkətlərin şəxsi məlumat dəstlərinin qarışığından qarşılanacağını bildirib. Qeyd edək ki, Altman yeni süni zəka modelinin nə zaman istifadəyə veriləcəyini açıqlamayıb. Lakin OpenAI şirkətinin GPT-5 üçün işə qoyulduğu artıq məlumdur. Hətta Altman yeni dil modelinin daha da təkmilləşməsi üçün əllərindən gələni əsirgəmədiklərini açıqlayıb.
Təbii ki, hər dil modelinin hazırlanması müəyyən pul vəsaiti və vaxt tələb edir. OpenAI yeni dil modelinin hazırlanması üçün ən böyük dəstəkçisi Microsoft şirkətindən maliyyə dəstəyi almaq niyyəyindədir. Əslində Microsoft hər zaman süni intellekt nəhənginə milyardlarla dollar sərmayə qoyur. Hətta bu ilin əvvəlində Microsoft OpenAI şirkətinə 10 milyard dollar investisiya edib. Qeyd edək ki, bu investisiya çox illik əməkdaşlıq müqaviləsi çərçivəsində reallaşdırılıb. İndi isə şirkət ilin sonuna yaxın əlavə olaraq maliyyə dəstəyi göstərəcək.
