Hər keçən gün Samsung şirkətinin yeni smartfon seriyası Galaxy S24 və S24 Plus barədə detallar ortaya çıxır. Belə ki, daha əvvəl bu cihazları ödənişli süni intellekt funksiyaları ilə təklif ediləcəyi ortaya çıxmışdı. İndi isə yeni flaqman Samsung Galaxy S24 və Galaxy S24 Plus modellərinin real görüntüləri internetə sızdırılıb. Beləliklə Galaxy S24 seriyasının dizaynı bir daha məlum olub. Ümumiyyətlə Samsung yeni smartfon seriyasını gələn ilin əvvəllərində təqdim etməyə hazırlaşır.
Beləliklə Samsung brendinin yeni Galaxy S24 və Galaxy S24 Plus modellərinin real görüntüləri qarşımızdadır. Artıq cənubi koreyalı texnologiya nəhəngi yeni smartfonların demək olar ki, bütün hazırlıqlarını tamamlamaq üzrədir. Daha əvvəl yeni smartfonların həm Snapdragon, həm də Exynos çipsetləri ilə bazara çıxacağı məlum olmuşdu. Xatırladaq ki, Samsung bu ilki flaqman Galaxy S23 seriyasında yalnız Snapdragon çipsetindən istifadə etsə də, istədiyi tələbi əldə edə bilməyib. Əslində yeni ortaya çıxan görüntülər daha əvvəl ortaya çıxan dizayn iddialarını təsdiqləyir. Samsung yenə də üçlü kamera dizaynından istifadə edəcək. Lakin indi led flaş modulu Galaxy S23 modelindən fərqli olaraq bir qədər aşağıda yerləşir. Cihazdakı ən böyük dəyişikliyin çərçivə dizaynında olduğunu deyə bilərik.
Bundan əlavə 17 yanvar tarixində təqdim edilməsi gözlənilən yeni Galaxy S24 seriyası daxilində Galaxy S24, Galaxy S24 Plus və flaqman Galaxy S24 Ultra modelləri aiddir. Həmçinin, Galaxy S24 modelinin 6.2 düymlük FHD+ təsvir ölçülü ekran paneli 120 Hz ekran tezliyinə sahib olacaq. Həmçinin Galaxy S24 Plus modelinin 6.7 düymlük WQHD+ təsvir ölçülü ekran paneli 120 hz ekran tezliyinə sahib olacaq. Galaxy S24 Ultra modeli isə 6.8 düymlük WQHD+ təsvir ölçülü ekran panelinə sahib olacaq.
