Dünyanın ən böyük çip istehsaçısı olan Nvidia süni intellekt sahəsində daha bir yenilik edəcək. Belə ki, texnologiya nəhənglərindən biri olan Nvidia şirkəti İsraildə dünyanın ən güclü süni intellektli superkompüter texnologiyasını yaradacaq. Qeyd edək ki, bu barədə şirkət Computex 2023 tədbirində məlumat verib. Həmçinin şirkət bu addımı süni intellekt tətbiqlərinə artan tələbdən ötrü atdığını da bildirib. Beləliklə İsrail, dünyanın ən güclü süni intellektə malik superkompüteri üçün Nvidia şirkətinin hədəfindədir. Hətta yeni superkompüter İsrail-1 olaraq adlandırılıb.
Qeyd edək ki, Nvidia şirkəti İsraildə yaradacağı dünyanın ən güclü süni intellektli superkompüter texnologiyasına yüz milyonlarla sərmayə qoyacaq. Bu ilin sonuna qədər qismən istifadəyə verilməsi gözlənilən süni intellektli superkompüter möhtəşəm performansa malik olacaq. Belə ki, superkompüter 8 exaflop hesablama sürətinə malik olacaq. Maraqlısı budur ki, 1 exaflop 1 kentilyona və ya 1,000,000,000,000,000,000-a bərabərdir. Nvidia şirkətinin baş vitse-prezidenti Gilad Scheiner bildirib ki, yeni superkompüter İsrailin inkişaf etməkdə olan mürəkkəb kəşfiyyat sahəsinə də fayda verəcək. Həmçinin Scheiner bildirib ki, Nvidia ölkədə 800-ə qədər startapla əməkdaşlıq edib və bu sahədə on minlərlə mühəndisi işə götürüb.
Nvidia şirkətinin yaradacağı yeni süni intellektli superkompüter texnologiyası gələcəkdə İsraildən kənar tərəfdaşlarla da işləmək üçün istifadə ediləcək. Həmçinin yeni texnologiya gələcəkdə süni intellekt sahəsindəki artan tələbatın da qarşısını ala bilər. Lakin Nvidia şirkətinin gün keçdikcə süni intellekt sahəsində etdiyi yeniliklər bu sahəyə olan tələbatı artırır.
