Microsoft şirkəti son dövrlərdə daha da təkmilləşən ChatGPT süni intellekt alətinin insan kimi davranmağa başlaması ilə bağlı xəbərdarlıq edir. Belə ki, şirkətin təqdiqat qrupu OpenAI şirkətinin ChatGPT-4 dil modelinin insan kimi düşünməyə başladığını iddia edən 155 səhifəlik hesabat yayımlayıb. Nature Journal mənbəsində yayımlanan hesabatda yeni GPT-4 modelinin sullara cavab vermək üçün insan kimi düşündüyü ortaya çıxıb. Belə ki, süni intellekt aləti insan səviyyəsində düşünməyi tələb edən bir çox tapşırıqları uğurla yerinə yetirib.
Ümumiyyətlə ChatGPT kimi süni intellekt alətləri artıq gün keçdikcə daha çox təkmilləşir. Belə ki, GPT-4 modeli buna nümunə ola bilər. Microsoft şirkəti bir çox texnologiya nəhəngi kimi süni intlellekt alətlərinin gələcəyindən narahatdır. Məhz bu səbəbdən Apple kimi böyük şirkətlər öz işçilərinə ChatGPT süni intellekt alətindən istifadə etməyi qadağan edir. Microsoft tədqiqatçılar GPT-4 alətinin yazdığı mətnlərin insan tərəfindən yazılan mətnlərdən fərqlənmədiyini bildirir. Məhz bu səbəbdən də texnologiya nəhəngi süni intellekt alətinin gələcəyi barədə xəbərdarlıq edir.
Microsoft şirkətinin tədqiqatçıları GPT-4 süni intellekt alətinin insan kimi düşünmə qabiliyyətinin gələcəkdə daha da inkişaf edəcəyi barədə xəbərdarlıq edir. Hətta gələcəkdə süni intellekt müxtəlif sahələrdə tamamilə tətbiq oluna bilər. Məsələn müştəri dəstəyi, səhiyyə və digər sahələr gələcəkdə süni intellekt alətləri vasitəsi ilə fəaliyyət göstərə bilər. Lakin tədqiqatçılar süni intellekt texnologiyalarının tənzimlənməsi ilə onun zərərlərinin aradan qaldırıla biləcəyini də bildirir. Hətta Avropa Birliyi bununla bağlı artıq bir addım atıb.
