“Facebook”, “Instagram” və “WhatsApp”ın arxasında duran “Meta” şirkəti mətndən 3D obyektlər yaradan süni intellekt sistemi hazırlayıb. Ümumiyyətlə, Meta şirkəti son illərdə süni intellekt üzərində həqiqətən də böyük işlər görməyə başlayıb. Sadəcə yazılanlardan 2D təsvirlər istehsal edən bir xidmətə sahib olan şirkət, indi yazıları 3D obyektlərə çevirə bilən süni intellekt sistemi ilə sıçrayış edib.
Açıqlamaya görə, “Meta 3D Gen” adlı sistem 1 dəqiqədən az müddətdə yazdığınız mətnə uyğun 3D obyektlər hazırlaya bilir. Mətn əmrlərindən istifadə edərək həm yaradılmış, həm də yüklənmiş 3D obyektlərə yeni tekstura və örtüklər tətbiq edə bildiyi açıqlanan sistem animasiya məzmununu da dəstəkləyir. Aşağıda təqdimat videosuna baxa biləcəyiniz Meta 3D Gen, şirkət tərəfindən göstərilən nümunələrə görə çox yaxşı nəticələr verə bilər.
Dizaynerlərin həyatını inanılmaz dərəcədə asanlaşdıran və vaxta qənaət edən sistem hazırda bir araşdırma layihəsidir. Başqa sözlə, 3D Gen sistemi hələ də ictimaiyyətə təqdim edilməyib. Bildiyimiz kimi, Məhsuldar süni intellekt sistemləri böyük server xərcləri yaradır, buna görə də bir çox şirkətlər yeni dövrü “premium” paketlərlə dəstəkləmək istəyirlər. Hələlik sistem barəsində daha çox məlumata olmasa da, gələcəkdə Meta şirkətinin hazırda istifadə olan AI infrastrukturu üçün ödənişli paket təklif edə biləcəyi iddia edilir. Ödənişli paket və ya versiya altında insanlara daha inkişaf etmiş imkanlar təqdim edəcəyi düşünülən şirkət, bu mövzuda özünə başqa bir çox möhkəm gəlir mənbəyi yarada bilər.
