İlk dəfə 134 il əvvəl 1889-cu ildə Yaponiyada Fusajirō Yamauchi tərəfindən Nintendo daim yeni oyunlar təqdim edir. Ümumiyyətlə, şirkətin təqdim etdiyi bu oyunlar dünyanın bir çox ölkəsindən olan tənqidçilər və oyunçulardan yüksək qiymət alır və diqqət cəlb edir. Lakin şirkət özü bütün bunları heç də vacib hesab etmir. Çünki, Nintendo oyunun uğurunu sadəcə tək bir parametrə görə müəyyən edir. Nintendo hesab edir ki, buraxılan oyun 30 milyondan çox satılıbsa uğurludur.
Nintendo Yaponiya-nın baş direktoru Shigeru Miyamoto bildirib ki, şirkət yalnız satışlar 30 milyondan çox olduğu halda oyunu uğurlu hesab edir. Bu cür satış əldə edilməsi o deməkdir ki, oyun təkcə inkişafa xərclənən pulu ödəmir, həm də kifayət qədər gəlir gətirir. Eyni zamanda, Nintendo hesab edir ki, bu cür oyunlar şirkətin uzunmüddətli perspektivdə maliyyə uğurunun açarıdır, çünki studiya hər 3-5 ildən bir uğurlu oyun buraxa bilər ki, bu da onun oyun sənayesində qalmasına imkan verir.
İndiyə qədər Nintendo-nun öz kriteriyalarına uyğun gələn yalnız dörd oyunu mövcuddur. Buraxılan oyunlar arasında lider isə 61,97 milyon nüsxə ilə Mario Kart 8 Deluxe (2017) olub. Qalan digər yerləri isə yerləri 45,36 milyonla Animal Crossing: New Horizons (2020), 34,22 milyonla Super Smash Bros. Ultimate (2018) və The Legend of Zelda: Breath of the Wild (2017) 31.85 milyon ilə tutub. Qeyd edək ki, Nintendo daim Sony şirkəti ilə rəqabət halında olub. Belə ki, hər iki şirkət özünəməxsus konsollarını təqdim etdikdən sonra oyunçular iki hissəyə ayrılmışdı: Nintendo sevənlər və Sony sevənlər. Hazırda isə Sony daha çox güclü qrafikalı və daha çox büdcəli oyunlar ilə məşhurdur. Nintendo isə klassik oyunlarını hər il milyonlarla oyunçuya satmağa davam edir.
