Məşhur britaniyalı riyaziyyatçı “Alan Turing”in insanabənzər süni intellekt əsaslı, robot tərəfindən hazırlanmış sənət əsəri hərracda rekord qiymətə satılıb. Belə ki, tamamilə insanabənzər robot tərəfindən hazırlanan bu sənət əsəri ötən günlərdə 1.3 milyon dollara satılıb.
Süni intellektin istehsal etdiyi əsərlər üzərində “sənət” mübarizəsi davam edərkən, bu sahədə bir ilk baş verib. Ai-Da adlı insanabənzər robotun sənət əsərində məşhur riyaziyyatçı Alan Turing-in portreti də fərqli bir tərzdə yer alır. İnsanabənzər robot tərəfindən bu qədər fərqli və mənalı tərzdə sənət əsəri hazırlanması onun qiymətini də rekord həddə 1.3 milyon dollara çatdırıb. Sotheby’s hərracında 1,3 milyon dollara satılan 2,2 metr uzunluğundakı portret “AI God” adlanır. Hərracda bu rekord qiymətin sənət aləmində mühüm mərhələ olduğuna diqqət çəkilib. Ai-Da-nın bu əsəri insanabənzər robot rəssamın hərracda satılan ilk işi kimi tarixə düşüb.
Süni intellekt texnologiyalarının sənətdə sərhədləri aşdığını bildirən hərrac bu tarixi satışın müasir incəsənətin gələcəyində mühüm yer tutacağını vurğulayıb. Qeyd edək ki, Alan Turing, müasir kompüter elminin atası və süni intellektin qabaqcıllarından biri hesab olunur. İkinci Dünya Müharibəsi əsnasında Nasist Almaniyasının şifrələmə cihazı Enigma-nı həll edərək müharibənin gedişatını dəyişdirən Turinq rəqəmsal kompüterlərin əsasını təşkil edən nəzəri araşdırmaları ilə də məşhurdur. Ai-Da-nın Turing-ə istinad edərək hazırladığı bu işi təkcə portret deyil, həm də süni intellektin mənəvi və sosial təsirləri haqqında düşünmək imkanıdır. Hətta Ai-Da bildirir ki, “İşimin əsas dəyəri onun yeni texnologiyalar haqqında dialoqa səbəb ola bilməsidir”.
