İlk dəfə tətbiq edilən kök hüceyrə müalicəsi dörd nəfərdə görmə qabiliyyətini bərpa edərək uğurlu nəticə verib. Araşdırmada dörd nəfərin də buynuz qişasının ciddi zədələndiyi və sağalmanın əhəmiyyətli olduğu bildirilib.
Beləliklə, dünyada bir ilk olan kök hüceyrə müalicəsi ilə görmə qabiliyyətini itirmiş 4 nəfərin görmə qabiliyyəti bərpa edilib. Yaponiyanın Osaka Universitetinin mütəxəssisləri tərəfindən hazırlanan və hələ sınaq mərhələsində olan bu müalicənin buynuz qişası zədələnmiş insanlarda uğurlu nəticə verdiyi açıqlanıb. Kök hüceyrə transplantasiyası alan üç ağır görmə pozğunluğu olan insanların görmə qabiliyyəti bir ildən çox davam edən əhəmiyyətli irəliləyişlər əldə edib. Şiddətli görmə qüsuru olan dördüncü şəxsin də görmə qabiliyyətinin yaxşılaşması müşahidə edilib. Lakin, bu yaxşılaşmaların uzunmüddətli olmadığı bildirilib.
Bu dörd xəstə gözün şəffaf səthi olan buynuz qişanın zədələnməsini sağaltmaq üçün yenidən proqramlaşdırılmış kök hüceyrələrlə müalicəni ilk dəfə yaşayan insanlar olub. Mütəxəssislər bildirirlər ki, müalicə təhlükəsiz görünür, lakin daha geniş klinik tədqiqatlar aparılmalıdır. Buynuz qişa gözün limbal halqasındakı kök hüceyrələr sayəsində özünü yeniləyə bilir. Bununla belə, limbal kök hüceyrə çatışmazlığı (LSCD) kimi tanınan bir vəziyyətdə, bu bərpaedici kök hüceyrələr azalır və ya tamamilə tükənir. Bu vəziyyət buynuz qişada çapıq toxumasının yığılmasına və nəticədə korluğa gətirib çıxarır. Digər tərəfdən, LSCD müalicələri olduqca məhduddur və adətən xəstənin sağlam gözündən alınan kök hüceyrələrin transplantasiyasını əhatə edir. Ancaq təəssüf ki, hər iki göz zədələndikdə bu üsulu tətbiq etmək mümkün deyil. Kök hüceyrə müalicəsi barədə araşdırmalar hələ də davam edir və ilk dəfə insanlarda görmə qabiliyyət bərpa edildiyi üçün gələcəkdə daha böyük uğurlar əldə oluna bilər.
