Google DeepMind, robotlara daha geniş fiziki tapşırıqları yerinə yetirməyə imkan verəcək iki yeni süni intellekt modelini təqdim edib. Belə ki, Gemini Robotics və Gemini Robotics-ER, robotların yeni vəziyyətləri dərk etmələrini və hətta təlim olmadan da mühitləri ilə daha yaxşı qarşılıqlı əlaqə qurmalarını təmin etmək məqsədi daşıyır.
Gemini Robotics Google-un qabaqcıl süni intellekt modeli Gemini 2.0 üzərində qurulmuş bir sistemdir. Google DeepMind-in Robototexnika direktoru Karolina Paradanın sözlərinə görə, bu model multimodal dünya anlayışını fiziki hərəkətlərlə birləşdirərək robotları daha çevik və interaktiv edir. Google DeepMind-ə görə, model üç əsas sahədə fərqlənir: ümumiləşdirmə, qarşılıqlı əlaqə və çeviklik.
Beləliklə, Gemini Robotics-ə öyrədilmədiyi yeni vəziyyətləri qavramağa, insanlar və ətraf mühitlə daha təbii əlaqə qurmağa və daha incə motor bacarıqları tələb edən tapşırıqları yerinə yetirməyə imkan verir (məsələn, kağız parçasını qatlamaq və ya şüşə qapağını açmaq). Şirkət artıq bu sahələrin hər birində əhəmiyyətli irəliləyiş əldə edib və bu irəliləyəşlərdən bəzilərini sizinlə bölüşmüşdük. Lakin Google indi bu üç sahədəki inkişafı vahid modeldə birləşdirir.
