Xiaomi şirkəti bu dəfə də tarixin ən güclü feni ilə gündəmə gəlib. Belə ki, Mijia High-Speed Water Ion Hair Dryer olaraq adlandırılmış saç qurutma cihazı olduqca qəribə imkanlara sahibdir. Bir vaxtlar daha çox enerji səmərəliliyinə diqqət yetirən saç qurutma maşınları indi Xiaomi kimi brendlərin qəribə rəqabət prinsipləri ilə fərqli istiqamətdə inkişaf etməyə başlayır. Xiaomi-nin məqsədi ilk növbədə saçların sağlamlığını qorumaq və tez quruda bilməkdir.
Mijia High-Speed Water Ion Hair Dryer adlı bu innovativ fen iki iynəli nano su ion texnologiyasına malikdir. Bu şəkildə saçdakı nəm qatılaşdırılaraq nano su ionlarına çevrilir. Xiaomi mühəndislərinə görə təmiz qurutma əvəzinə saçlar susuz qalmır və ölü nöqtələr minimuma endirilir.
İki milyard yüksək konsentrasiyalı mənfi ion da statik elektriki zərərsizləşdirir və daha hamar saçlara imkan verir. Xiaomi bu fenə tam 110 000 RPM mühərrik quraşdırıb və saniyədə 65 metr sürətlə güclü hava axını təmin edir. Xiaomi bildirir ki, bu sistem saçınızı cəmi 1 dəqiqəyə qurudur. Uzun saçlar üçün müddət 3-5 dəqiqə arasında dəyişir.
Ağıllı istilik tənzimləməsinə də sahib olan cihaz hava axınına saniyədə 100 dəfə nəzarət edir və temperaturu 57 dərəcə saxlayır. Bu, saçın zədələnməsinin qarşısını alır. 2 sürət və 4 temperatur rejimi olan cihazda bir çox fərqli təhlükəsizlik həlləri də var. Xİaomi şirkəti Mijia High-Speed Water Ion Hair Dryer fenini Çində 52 dollara satışa çıxarıb.
