Böyük Süni İntellekt Debat seminarı zamanı Elon Musk süni intellekt alqoritmlərinin inkişafı ilə bağlı fikirlərini bölüşüb. Musk tədbirdə xüsusilə, digər sənaye mütəxəssislərinin əhəmiyyətli dərəcədə qiymətləndirmədiyini düşündüyü süni intellekt “üsyanı” ehtimalının yaxında reallaşa biləcəyini bildirib. Ümumiyyətlə, bu günlərdə süni intellekt durmadan müxtəlif sahələr üzrə inkişaf edir və insanların belə edə bilmədiyi işləri saniyələr içində edə bilir.
Milyarderil sözlərinə görə, bu gün süni intellekt texnologiyalarının insanlara qarşı çevriləcəyi üsyanın baş vermə ehtimalı 10-20% arasındadır. Elon, təhlükəsizlik məqsədləri üçün süni intellektin yalnız dəqiq məlumat vermək üçün hazırlanmalı olduğunu düşünür. Əvvəllər tədqiqatçılar müəyyən ediblər ki, süni intellekt insanlara yalan danışmağı öyrəndikdən sonra onun davranışını mövcud təhlükəsizlik tədbirləri ilə dəyişmək mümkün deyil. New York Times bunu “Silikon Vadisini əhatə edən qorxulu yeni statistika” adlandırarkən, müxtəlif texnoloji şirkət rəhbərləri mənfi nəticələrə dair 50 faizə qədər pessimist proqnozlar veriblər.
Süni intellekt təhlükəsizliyi tədqiqatçısı və Louisville Universitetinin Kibertəhlükəsizlik Laboratoriyasının direktoru Roman Yampolski də Muskın süni intellekt təhlükəsi ilə bağlı haqlı olduğunu iddia edir. Onun sözlərinə görə, süni intellektin bəşəriyyət üzərində nəzarəti ələ keçirməsi ehtimalı Maskın iddia etdiyindən qat-qat yüksəkdir. Bununla belə, dünyada hələ də süni intellekt texnologiyalarından istifadə geniş vüsət alıb. Hətta şirkət rəhbərləi müəssisələrdə süni intellektin köməyi ilə gəlirlərin artacağına inandığı üçün süni intellektdən istifadəni inanılmaz səviyyədə artırıb. Bəs sizcə süni intellekt həqiqətən də bəşəriyyəti məhv edə bilər?
