Beləliklə, OpenAI hesabı olmayan istifadəçilər üçün də ChatGPT təklif edir. Artıq istifadəçilər hesab açmadan OpenAI şirkətinin məşhur çatbotu ChatGPT ilə müxtəlif sorğular apara bilər. Bununla belə, hesab açmadan istifadə edən istifadəçilərin sorğuları bəzi kateqoriyalarda məhdudlaşdırılacaq. Şirkət bu addımı, insanların süni intellektdən faydalana bilməsi üçün ChatGPT kimi alətləri geniş şəkildə əlçatan etmək məqsədinin bir hissəsi kimi təsvir edir.
Qeyd edək ki, süni intellekt nəhəngi OpenAI şirkətinin digər məqsədi də ChatGPT-ni daha çox insan üçün əlçatan etməklə daha çox təlim məlumatı əldə etmək və istifadəçiləri GPT-3.5 əvəzinə üstün xüsusiyyətlərə malik olan ödənişli GPT-4-ə yönləndirməkdir. Qeyd edək ki, OpenAI hesab açmadan ChatGPT istifadə edənlər üçün müəyyən məhdudiyyət tətbiq edəcək. hələlik isə bu məhdudiyyətin hansı kateqoriyaları əhatə edəcəyi məlum deyilib. Bununla yanaşı, OpenAI sözçüsü bildirib ki, süni intellekt modellərindən sui-istifadə hallarının aşkarlanması və qarşısının alınmasına cavabdeh olan qruplar yeni funksiyanın yaradılmasında iştirak ediblər və yaranan təhlükələrə uyğun düzəlişlər edəcəklər.
OpenAI, hesab açılmayan söhbətlərdə sorğulanan məlumatların məlumat təlimi üçün istifadəsini deaktiv etməyə imkan verir. Bunu etmək üçün, mətn qutusunun sağındakı sual işarəsini vura, Parametrləri seçə və “Hər kəs üçün modeli təkmilləşdir” işarəsini silə bilərsiniz. Bununla da şirkət istifadəçilərin haqlarını müdafiə etdiyini bir daha göstərib.
