Son illərdə Çin süni intellekt üzrə təlim proqramlarının maliyyələşdirilməsini əhəmiyyətli dərəcədə artırıb və bu, öz bəhrəsini verib. Belə ki, ABŞ AI tərəfində geridə qalır və artıq dünyanın ən yaxşı AI mütəxəssislərinin demək olar ki, yarısı Çinlidir. MacroPolo hesabatına görə, Çin istedadlı süni intellekt tərtibatçıları və tədqiqatçılarının sayına görə ABŞ-ı geridə qoyub. Hesabata görə istedadlı süni intellekt tərtibatçıları və tədqiqatçılarının sadəcə 18%-i Amerika universistetlərindən məzun olub.
Üç il ərzində Çinli alimlərinin payı ümumi sayın üçdə birindən demək olar ki, yarısına qədər artdı, ABŞ isə eyni səviyyədə qaldı. Tədqiqatçıların fikrincə, bu balanssızlıq uzun müddətdir ki, davam edir. Son onilliyin böyük bir hissəsində ABŞ, çinlilərin ABŞ universitetlərinə doktorluq dərəcəsi almaq üçün gəlməsinə və sonra ölkədə işləməyə davam etməsinə arxalanırdı, lakin son vaxtlar bir çox çinli alim öz ölkələrində qalıb işləməyi seçirlər. Süni intellektin tətbiqi məhsuldarlığı artırmağa, sənaye və tədqiqatları gücləndirməyə kömək edə biləcəyi üçün süni intellekt mütəxəssisləri ən mühüm geosiyasi aktivlərdən biri olduqlarını sübut etdilər.
Çinlilər bir tərəfdən Google və OpenAI kimi süni intellekt nəhənglərinə və onlarla bağlı startaplara diqqət yetirsə də, digər tərəfdən Pekin və Vaşinqton arasında artan münaqişə onların çoxunu qorxudur. MacroPolo-nun baş icraçı direktoru Damien Ma-nın sözlərinə görə, 2018-ci ildən bəri Çində 300-ü elit universitetlərdə olmaqla 2000-dən çox süni intellekt proqramı açılıb. Ancaq bunların əksəriyyətinin generativ süni intelelkt ilə heç bir əlaqəsi yoxdur. Damien Ma bildirir ki, “Bir çox proqramlar sənaye istehsalında süni intellekt tətbiqlərinə diqqət yetirsə də, amerikalılar indi daha çox məhsuldar süni intellektə maraq göstərirlər”. Çin alimləri ABŞ-dakı ən yaxşı süni intellekt tədqiqatçılarının 38 faizini, amerikalı alimlər isə 37 faizini təşkil edir. 3 il əvvəl isə bu rəqəmlər müvafiq olaraq 27% və 31% idi.
Bu məlumatlar ABŞ-da süni intellekt araşdırmalarının Çin alimlərindən nə qədər asılı olduğunu göstərir. Karnegi Beynəlxalq Sülh Fondunda Çin informasiya texnologiyalarını araşdıran Mett Şihan rəqəmləri belə şərh edir: “ABŞ süni intellekt sahəsində dünya lideridir, çünki, dünyanın dörd bir yanından, xüsusilə Çindən istedadları cəlb edir.”
